هديه داتس

قصه صغنطوطه  لا تمت للاساسيه بشيء ●~


كنت جالسا لوحدي العب كراش ps1 على جهاز سوني فور ps4 و اكلم الحب هديل عندما درعم الجني -سود الله خشته- داتس للغرفه و نقز نقزتن ارعبت جدن احضرني [يعني جدن جابني]

صوت فتح باب بعف:: دووتس طفلي الصغير عزيزي حبيب قلبي الانسي.

خزيته بنص عين: كيف طفلك الصغير و انت قريني .. شسمه ما سمعت باداب الدخول ياخي طق الباب مو كذا الناس تدرعم 🌚.

رد علي و هو يمسك بالجيسه باحكام: أهكذا ترحب بي و انا الذي احضرت لك هديه جميله :(

 يا لك من انسي جاحد ساذهب لجو تشان او جون و يوكي او حتى غلين  و اعطيهم الهديه .. همزه الأحمق.

ولييه قام ايبطرم هالجني =_= وش السوات هالحين!! قلت لهديل اكلمها لاحقا و لفيت صوبه.

اعطيته ذيك الابتسامه المزنوءه على قوله طماطم 🌚

جا ناحيتي و عصرني يكون بيعطيني عناق، طلعت روحي حسيت بها تودعني و تقول وداعا دوتس العزيز xD

طالعته بنص عين: انت ينخاف منك داتس كل يوم مسوي فيني شي الله يستر هالمره شمهبب =_=

ابتسم ابتسامه كذابيه لاخفاء الجريمه: لا شيء عزيزي الانسي انظر هنا احضرت لك هديه.

قامت علونه تتلألأ مثل مانغا الشوجو و اطالع له بحذر هالنظرات وراها شي.

نطق داتس بحماس: دوتس انت جميل.

طالعت بنص عين: ادري مو شي جديد، وش تبي !؟ بتخليني مودل؟

قام يفرك راسه و يضحك: ههه .. لا ..  شسمهو (يعني شسمه بالفصحى) انها مقدمه لاريك ما بالهديه 😊

اخذت نفس عميق و غمضت عيوني و قلت في نفسي بثق بجاتس هالمره اكيد جايب لي شي حلو.

فتحت عيوني الصفر عشان اشوف لمعه عيونه الحمر بخشتي و رفسته رفسه التيس الهائج.

قام يمسح على بطنه من الم الضربه و بدا يبرطم..
حسيت بتانيب مكان لازم ارفسه كذا حرام كسر خاطري فقلت له خلاص بشوف شنو اهي هديته و ماراح اعصب مهما كانت كاعتذار عالرفسه.

الكشره شقت خشته و انيابه بينت تلق لق 😂 عيونه لمعت بفرح و قال: هديتي اخترتها بكل حب و اهتمام.

ولك لو هديل تسمعت بتقرا عليك معوذات 😂 شسمه لازم ابطل اكلم نفسي بمخي 🌚

طالعت له: يالله انا مستعد فاجئني يا عزيزي الجني 🌚

داتس:لا اغمض عينيك اولا.

غمضت عيوني، و اليده مالت السوني للحين بايدي.
جلس وراي عالسرير و حط الجيس يمه و طلع اشياءات مادري شنو بس ريحتها حلوه جنه معطرهم!
ارتعبت لمن مسك كشتي العظيمه و قام ايمشط، بس قلت وناسه اكيد جايب صبغ و بيحط لي خصله يم بنفسجيتي الجميله فتميت على وضعي و هو يقول لا تفتح.

حسيت بشي يشبك بشعري: داتس شتسوي!؟

رد و جنه حاط شي بحلجه:لا شيئ ابقي عينيك مغمضه.

قلت يمكنه يفرق شعري عشان ايظبط الخصل و كذا بس عقب شكيت مو كل هذا  عشان يصبغ 🌚

فتحت عيوني و شفت الانعكاس بالتلفزيون جدامي، نطيت على حيلي و فتحت باب الكبت الي فيه منظره.
مشكت راسي بهلع و تملكني غضب لو هدوني على ابو اشاعه جان جبت اجله.
دااااااتس يا **** اشسوييت بشعري!!!! كل هذه شبابيص!!! قايلين لك بنيه!!! ولا ترانس !!! ولا شسمه!!!
ولا ما افكك لو يجيني زعيم الشياطين يتوسط لك.

اذكر يومها اني طحت فيه طق بيده السوني و طلعت فايده حزام الكراتيه عليه و تميت اسبوع ما اكلمه و اهو يعتذر.

و طلع الاخ مصورني و انا مغمض عيوني و اهو يحط الشباصه و داز الصوره لهديل من تلفوني و الست متحطمه فيها و حاطتها خلفيه! وا فشيلتاه!!

النهايه..


الصفحه كذا الهام و انا راده من الدوام شخبطتها و كملت على رسمه طماطم الي تحت عاليسار كانت راسمتني  لحالي فكملت عليها و خليتها ستايل مانغا تحكي حكايه خارج القصه الاصليه كليا
الكلام الي بصفحه المانغا... داتس يقول ستبدو جميلا و دوتس يقول له سبيستون ساقتلك.
اي يا ساده يناديه سبيستون 🌚
كح..
رايكم و شسمه انتقادكم بس لحد ينتقد حيل حيل عشان ما ابطل اكتب و ارسم و شسمه اي كونو بخير
من قلب الحدث دتسو العظيمه تحدثكم.
سلام xD