الـــفصل الـــثالث ..

مرت سنتين من سافر عبدالله, و حمني قدر يحول تخصصه معاي. مرت سنتين بلمح البصر, سبحان الله الوقت يمضي و يفلت من ايدينا بدون ما ننجز شئ يثيبنا عليه الله, هالوقت كله بيسألنا عنه الله فيما افنيناه. ضيعته باللعب مع حمني عالسوني و الطلعات و الدراسه و الوناسه, الحمد لله كسبت لي عمره و ابوي اغراني بالاجر جان احلق كشتي عالصفر =_=  صلعتي لامعه XD
بس الحمد لله, شعري معدل نموه سريع جدا, خلال شهرين رد يغطي رقبتي. بوقت العمره  مع شوشتي المحلوقه و صلعتي الامعه و جسمي الهزيل و طولي الجميل الي يشوفني يقول هذا صبي صغير مو شاب بيخش العشرين XD   

الحين يا اعزائي صديقكم الجميل صار بالسنه الثالثه تخصص أدب, معدل عالي و الحمد لله. شكلها أمي مفكره توديني برا أكمل دراستي, ولو اني اعتقد تبي ترتاح من المناجر. أنا اصلا بروح عشان ارتاح من هالمجتمع الي ينبذ وجودي.

اخيه يحلو النومه بالمكان البارد, متلحف و كل ما اصحى ارد انام.  ما حسيت الا البطانيه تنشال بعنف  من الخرعه جسمي تحرك من تلقاء نفسه بعد رفسه التيس اتخذت وضعيه الدفاع  – شكرا للكراتيه -  طالعت الارض لقيت حمني طايح و يفرك براسه الي انطق بالطوف  XD

حمني: انت حول عمي ما تشوف مجنون احد يرفس جذي ذاكرتي و عبقريتي تعرضو للخطر بسبب رفستك. 

انا للحيني مو مستوعب شالسالفه, لفيت لقيت الدريشه مفتوحه, الأخ نقز منها لغرفتي, اطالع الساعه: 8 صباحا, يوم الجمعه.

الله يلعن ابليسك احاسب جني نط علي طلع الهيس الاربد انت, قرد تدخل من الدريشه ؟ شفيك !؟ الله يسقطك بماده السينتاكس =_= . . . شتبي ؟

احاسبك ميت ادق من الساعه سبع و ما ترد علي فقلت أتاكد ما فيك شئ, دخلت من الدريشه عشان امك ما تشوفني.

قاطعته و انا اخزه بنص عين: قول أحلف!! ليش انت داخل تشوف حبيبتك عشان تخاف من امي؟ =_=
 تبا لك انقلع بنام نفسي خايسه لمن ما اشبع نوم لا اتوطا فبطنك.

مافيييش نووم يباشا قم ابي فزعتك انا اثق بذوقك ابي بدله محترمه حق عشا عمي.

ما رديت عليه, سحبت بطانيتي, غمضت عيوني احاول ارد لارض الاحلام.

مرت دقيقه و بدا المكان يحتر, مرت ثلاث دقايق و بديت افطس حر, نطيت عالسرير و قطيت البطانيه عالارض: حمنيووووه يالتبن شسويت بالتكيف والله لاشلع رموشك, طيرت نومتي الله يطير درجاتك بالسينتاكس.

حمني و اهو مكشر بفرح: اي اوك اعيد الماده و شلع رموشي اهم شئ تقوم تجيب لي بدله.  

عناد بحمني طولت و انا اسبح و اخذت وقتي و انا امشط شعري الجميل و أختار البدله الي بلبسها و الكبوس الي بلبسه و الاكسسوارات الي تمشي مع اللبس و الحلق مال الاذن المناسب و اهو كل دقيقتين يطق الباب عشان اسرع, هين انا اوريك اشلون تنغص علي نومتي.

طلعت عقب ساعه و نص و حمني كان شبه غافي يم الباب شكله تحفه, راسه مسنده عالطوف و يطالع لفوق عيونه شبه مغلقه, فمه مفتوح ممكن تدخل ذبانه, ايدينه طايحه يمه جنه ميت  XD  طلعت التلفون و قمت اخذ صور.

جيت اصحيه بعنف عشان يحس فيني و أنا نايم : حمنيووه يالله مشينا, بسك نوم.

صحا و شاف ساعته, صرخ مفزوع: اووف ساعه و نص !! ليش يالظالم البنات ما سوو مثلك.

:جب صار لي نص ساعه اقعدك ما تقوم مفهي جنك من الضحايا الي بمسلسل كونان.

نط من الدريشه و نطرني عند الباب, اخذت جاكيتي من السرير و لبست كبوسي و اخذت جنطه الرسم –جنطه سوده عليها رسمه خفاش بنفسجي , داخلها كراستي و دفتر الشخابيط و اقلام رصاص-

كان كبوسي صوف اسود و بدلتي فالينه قطن سوده و اكمامها مقلم بنفسجي و اسود و بنصها صوره "ريوك" شينيقامي ديث نوت.  مسوي حبتين, بنطرون جينز اسود بصور جماجم بنفسجيه غامجه ما تبين من البعيد, و عالاجناب سحابات فضيه تتدلى منها سلاسل. و طبعا لازم قلادتي الجميله الي داخلها حلق فضي.  قفازات صوف سوده, البرد ما يغشمر.

رحنا للمجمع الي يعشقه حمني, و ما ظل محل ما قلب بملابسه و كل دقيقه مجرب شيء و يوريني.

ذوقه ذوق بنغالي ما ألومه انه يبي نصيحتي  XD  

بعد ما يأس قام يعطي افكار لتساعدنا بالبحث: اشرايك اجيب بدله رسميه زرقه و ربطه عنق برتقاليه ..؟ او تكون فيونكه برتقاليه؟ او لالا لحظه بنطرون اخضر و فالينه حمره ..؟ او تدري شرايط بجينز و فالينه صفره؟

حمني اسمر .. و الالوان الي يختارها فاقعه!! ياخي جيب شيء يمشي مع خشتك  XD

 يالربع اسمراني مو اسود لا يروح تخيلكم له غلط.. 
اسمراني و عيونه خضر T-T  مالت على جيناتي المهم.. لازم ابطل من عاده محادثه نفسي داخل راسي.

طالعته باحتقار: انت عقيدي ولا تتعقد؟ جيب بدله عاديه او اذا عشا كبير و ناس بتجي لازم دشداشه لا تجلطني يرحم امك و بسرعه صلاه الجمعه عقب ساعه ان تأخرنا بفقع وجهك.

و احنا نتناقش انا فاصل ضحك عليه و اهو باللبس الي يختاره فلما طلعنا من المحل قعد اوصف شكله و اهو لابس اللبس و قام يضحك. الناس كالعاده ما تترك احد بلحاله و قعد ياكلونا بعيونهم, ادري اني جميل جدا بس شوي شوي عيونكم بتطيح من محاجرها يا اعزائي xD

 اشترى بدله عقب ما اخذ نصيحتي و تبع كلامي, شكله طلع كوول و اهو مهيص بالبدله (مستمتع بشده) اخذنا قشنا و بنطلع, الناس تطالع و تحش و الي يأشر, حركاتهم تغث ما اصدق ما عمرهم شافو ادمي نفس ستايلي؟؟ كلش كلش؟؟ يعرفون جستن بيبر هالناعم الي جنه بنت ولا يعرفون ولا واحد من فرقه روك ؟ ما عمرهم شافو انمي او كارتون فيه احد مثلي!؟ صعب اني اصدق, او ممكن شافو و بكيفهم صنفوه تحت خانه (سيء)

من طلعنا من المحل لي السيارات و ذهني شارد, وصلنا السياره و حمني متحمس, طالعني: دوتس شفيك؟

طالعته و استغربت, شدراك فيني شيء: مافيني شيء ليش تسأل

على مين دنا مربيك يا ابني .. قول قول شفيك مبين انه فيك شيء تونا نضحك بالمحل و الحين جذي شكلك؟

وقفت قباله و اطالع بعيونه: حمني بسألك و جاوبني بصراحه, أنا شكلي خكري؟  

استغرب سؤالي: دوتس اشفيك!؟ لا يكون ردت لك الحاله يبوووي مالي خلق خلنا نهرج و نحشش شيل هالافكار الغبيه من راسك.

رديت بصوت جاد و قلبي ينبض بسرعه: حمني أنا شكلي خكري؟ صج انه جني  gay  ؟

قبضه ايدي من الانفعال احس العروق الي فيها قامت تنبض, اتحمل يقولون عني اي شي الا هالشيء هذا, يمكن لان كل اشاعه ثانيه سببها أنا بس هذه سببها شيء مو بايدي, مو بايدي اني قصير و جسمي هزيل و ملامحي مو رجوليه. و لو بربي لحيه اصير نعال. ميصير يصنفوني تحت خانه "شاذ" بس لان ربي خلقني فبنيه جسم جذي و بملامح جذي!

نكست راسي للارض و انا استشيط غيض, فتح حمني السياره حط اغراضه: راح اسوق بدالك لا تسوي فينا حادث.

ما شغلها,  سند ايدينه عالسياره, لف علي: دوتس, انت شنو تشوف؟ أنت شنو تصنف نفسك؟ هذا اهو المهم. مو لازم تكون سروال و فنيله عشان تكون بنظرهم "سوي" انت عارف انك مو مثل ما يزعمون, بعدين بالله عليك, منو الي مخرب الديره بالتفحيط و الحوادث الي تجي من وراها؟ منو الي يتحرش فبنات خلق الله, تذكر الطفل اللي قبل سنتين بالكافيه.. منو الي تحرش فيه و يتحرش باطفال غيره؟ مو كلهم شباب "سروال و فنيله" ؟ للاسف لان الي يشوفك بيستنكر الشكل الغريب فبيلبس التهمه الي سببوها الحمير فيك, لانهم نسخ من الي يحبون. اذا بتظل على كلامهم ماراح ترتاح, اهم شئ انت عارف نفسك شنو, و احنا عارفين دوتس شنو .. و الاساتذه الله يذكرهم بالخير و الدكاتره و عيال صفنا و وايد ناس عارفين انت شنو لا تتكدر عشان الباقين -الي للاسف هم الاغلبيه- ما يعرفون انت شنو.
بعدين حتى لو بتلبس لبس عادي مثلي بنطرون جينز او رياضي و فانيله عاديه هم بيظلون يطلعون عنك اشاعات لانك هزيل و نحيف ملامحك مو خشنه و شعرك طويل و قامتك قصيره نسبيا مع انه طولك معدي 165 بس لشاب بالعشرين قصير.
بتهم نفسك جذي و بتتعب زود كل ما فكرت, اترك و هد الناس بلحالها تفكر باللي تبيه. 

كلامه مقنع بس مابي ليش انا جذي؟ شكرا جيناتي عالامراض الي ورثتوها لي و كانت سبب في تدميري. ناس تورث فلوس انا اورث امراض فالدم  =_= بس لو امي اخذت ادويه قبل ما تحمل فيني جان ما جيت مريض. صحيح انه كله هيموفيليا بالطفوله و ثلاسيميا منجليه و فقر بالفيتامينات ما يتعوض بالادويه بس احمد ربك انه لي اهني وقف مو شي أكبر -.- صحيح .. ولد عمي الصغير انولد بلوكيميا ة_ة الحمد لله على كل حال, عفيه علي اقتنعت :) 

حمني: اشفيك بسم الله تكلم منو؟  موشي موووشي دووتس ايه الجني ..
شكلك تحفه و تعابير وجهك تتغير كل ثانيه جنك بنقاش جاد مع احد ههههههه XD 

طالعته بنص عين: =___= جــــب 

لفيت وجهي ولا انتبه لبنتين قاعدين يطالعونا جنهم يبون يعرفون شقعد نقول

 – البنات مخلوقات غريبه و تحب تدور سوالف - 

يطالعونا و يتساسرون, حركتهم سخيفه, انتبه لهم حمني, تلني من ايدي و باس خدي و حضني, طالع البنات و عيب عليهم XD   رفسته رفسه التيس: الله يلعن ابليسك شتسوي انت الله يلوع جبدك يالشوكولاتا القرديه خلصنا بتفوتنا الصلاه الله يلعن ابليسك, يع يع لا تقرب يمي –قمت امسح خدي-  

رد و اهو فاطس ضحك: كان لازم تشوف النظره بعيونهم, فلم  XD يستاهلون حبيت اغيضهم حبتين.

و احنا بالطريج, مسند ذراعي عالدريشه و حاط راسي عليها, افكر بكلام حمني –بصوت خافت- : حمني .. شسمه شكرا عالمحاضره الي تو, كلامك دخل راسي .. شكرا لانك يمي أنا محضوض بصحبه واحد مثلك. احبك يا القرد.

نزل سماعه من اذنه: عفوا قلت شيء؟؟ ما سمعت شتقول عيد.

روح موووت هالكلام ما اتجرأ اقوله و لمن تجرأت طلعت ما تسمعني مالك امل اعيد: لالا ابد سلامتك اقول بسرعه لا نتاخر عالصلاه.

رد السماعه لاذنه و ابتسم.. بصوت واطي : و انا احبك يا صديقي الجني.

طلعنا من المسجد و انا انتحب: حمنيي آيي نيييد كافييين الله يغربل ابليسك يا القرد من الثمان لي الحين الساعه وحده احتاج كافيين my un-forbidden wine   راسي يعورني الكافين ادمان الحمد لله انه مو حرام =_="

اعرف خووووش كافيه ما عليه دوس و اكله لذيذ و موكتهم دمااار و الكيك شئ موو صج طحت عليه فجأه يوم اني مودي امي لبيت خالتي .

رحنا المكان المنشود, كان بين بيوت بمنطقه سكنيه, يمه مطاعم سوريه لبنانيه هنديه, و جمعيه صغيرونه, و مطعم برقر و اهو. المكان هادي جدا. دخلنا و كان عالباب في جرس معلق.

الكراسي كلها جنها قنفات, كانت قصيره و الطاوله الي بالنص هم قصيره, شيء غريب هذا شلون مسوينه؟ الجدران بنيه و مزخرفه بعنابي, الاضواء خافته, الكراسي عنابيه و الطاوله خشبي محروق. قبال باب الدخول بخمس امتار تقريبا الاستقبال و الكاشير, كورنرهم شكله خشب من الاكواخ القديمه, و يم الكاشير في نافوره كبيره من النوتلا, و اصناف عديده من الشوكولا. الكراسي كانت عاليمين و اليسار بس, بالنص كان في طاوله مدوره كبيييره شفافه عليها صناديق جميله داخلها انواع مختلفه من الكاكاو, شكله كيووت جدا مادري اهو للتزين ولا للاكل!!

حمني عفيه عليك, مكان هادي و اثاثه غريب و ريحته كلها شوكولا تفتح النفس, اهم شئ ماكو زحمه.

كان في بنت و واحد معاها كبير بالسن عرفت انه ابوها من كلامهم,  كانت تضحك معاه, حسيت بالغبطه. الله يحفظ لج ابوج. دخل ولد صغير و راح يركض لها: لورا ما لقيت البطاقه شكله ابوي بيدفع لنا اليوم. ردت عليه: اشلون انا متاكده بطاقتي معاي .. قامت تطالع ابوها و اهو يضحك: مالي شغل انتي و اخوج عازميني.  اخوها طلع من جيبه دينار و ثلاث اربعا و خرده حديد, عادي يبه معاي فلوس .. يحليلك مو موصل دينارين شنو بتشتري اهني XD  دخلت مرأه و جت عندهم: بنتك فاهيه تعزم و تنسى تجيب فلوس فتشنا السياره ماكو بطاقه ادفع انت . قامو يضحكون و البنت استحت, عائله لطيفه.

 قعدنا بمكان بعيد عنهم, سندت رجلي عالطاوله و حطيت يمي جنطتي و طلعت الكراسه اسندتها على رجلي, برسم مكنون عقلي مع اني ادري انه خاوي, بأذوني السماعات تصرخ باغنيه كاميلوت :

My god has shown his sympathy

For all the spirits lost

I'll pray for salvation

And peace for ages

اندمجت بالرسم .. تعبت رفعت راسي ولا اشوف حمني قاعد عالارض ايدينه عالطاوله و مسند وجهه على كفوفه, قصر الطاوله ساعده على اتخاذ هالوضعيه الغبيه XD

بسم الله شفيك تطالعني جذي قوم قوم فشلتنا اقعد عالكرسي جنك خبل قاعد جذي.

رد و اهو يطالعني بحقد: صار لي ساعه اكلمك و مندمج بسالفتي و انت تهز لي براسك احاسبك توافقني الراي فاندمج بالحش اكثر و اتحمس اخرتها تهز جنك هندي مع نغم الاغنيه الغبيه =_____=

انا للحيني مفهي مادري شيخربط XD  اطالع له و مادري شيخربط على راسي, احتاج لخمس دقائق حتى احس بالواقع لمن اكون منغمس بشيء و بعمق.  تل الكراسه و السماعات من اذوني و حطهم عالطاوله , قعد يمي: استاز مالك مبلم كده ليه؟ انتبه لي لمن احش.

رديت: حمني الحش للبنات . 

رد علي: لا الفهاوه للبنات .

 اح جبهتي .________.

قمنا نحش و نسولف  و نضخك, بجيت من الضحك كنت محتاج جرعات ضحك منه بين الحين و الاخر كدت انسى شكثر محشش اهو. طبعا سولفنا عن كل شيء, انمي, اغاني, افلام, الحياه, الدنيا, الديانات, الملابس, السفر, حتى الطبخ  و الطلق الولاده XD

ما حسينا الا العصر يأذن, ظاعت عطلتي بدون ما ادرس تبا لك يا حمني =_=

خلصنا من النت و الاكل و الرسم و الهذره, رحت ادفع بالفيزا, وصل لحمني مسج: تم خصم 25 دك من بطاقه فيزا رقم ××2366

دوووووووووووتس يالتسلب تدفع فبطاقتي بدون ما تستاذن, نسيت انها عندك تبا لك.

هيهيهي تستاهل نغصت نومتي XD

ردينا البيت و اهو مبرطم عشان اهو الي دفع, يستاهل. 



مر كم يوم.. 

الجو حاار و الفاينل عالابواب, ابي اتخرج و اكمل برا يمكن حتى اسافر عشان اتوظف مو اكمل ابي استقر بمكان ما ينبذ وجودي, و ودي لو اقدر اسحب حمني و الحب معاي, آآه يا قلبي هدييل يا ربي تهدي امي و نملج TT--- TT .
 فتحت الجيس الي بايدي, هممم..  نسيت اجيب اندومي =__=  مالي خلق ارد الفرع, بس مشتهي اندومي, اي ادري بس وصلت البيت =_=  يالله بعد شسوي اكل الي جبته الحين. 
أنا ليش اكلم نفسي؟ مادري =_=

شفتو غبي مثلي يطلع للفرع مشي بعز القايله بشهر 6  شكلي باخذ ظربه شمس, استاهل. 
 وصلت البيت و حسيت بدوخه, شكلي اكلت ظربه شمس من صج. دخلت البيت, المكان هادي جدا شكلهم نايمين او طالعين او مادري شمسوين, دخلت غرفتي و فتحت السوني, انسدحت على ظهري عالسرير و راسي نازل من حافه السرير, قلبت الشاشه عشان تكون عدله لناظري. هالمره فتحت بلايستيشن 2 مخصوص عشان ألعب كراش.  تميت ألعب لنص ساعه, من أكمل ساعه بشوف لي شيء اسويه, يمكن ادرس؟

رن تلفوني, تثاقلت اقوم, طفا و رد يرن مره ثانيه لمحت كلمه : watashi no kokoro is calling

نطيت من مكاني و مسكت التلفون: ألو

هديل: سنه ادق ما ترد خلاص مابي ألعب معاك اونلاين مو كفو =_=

رديت: أفأ ! كنت مندمج بكراش ما انتبهت والله

تغيرت نبره صوتها لحماس: كراش!! من صجك!! قول والله ؟؟ من وين لقيته ماعاد له وجود!!

ماراح اعطيج, مو كفو =_=

انا مو كفو!!؟ دوتس تمقل بصوتي عدل انا هديل انا مو كفو اشرطه كراش!؟ T_T  

ما اقدر اقول شيء غلبتني XD

ابي شريط viva  و redead  او black ops  كأعتذار =_=

و بالمقابل كراش و يصيرون حقك مقك

كراش والسوني و مالكهم حلالج, المهم طمنيني عن الغالين, ترا وحشتونا

اقدر اتكهن انه خدودتها احمرت خجل, صوتها ارتبك: بطل هالكلام باكا دوتس ايتشي >/////<

انا بخير انت شلونك ؟  اشتقت لك >////<

 ودي ارقص من الوناسه ة////ة  هديل مشتاقه لي T^T  ويح قلبي الجو صار حار فجأه XD 
 و قلبي ينبض بصوت مسموع .. مشاعري قامت تتضارب و في ألم بقلبي. 

دوتس امي تسأل الاصباغ الفاقعه شنو احسن ماركه؟ تبي تصبغ لبنت خالتي و تدري انك خبير

انا احب شكلج يوم انج صغيره و صبغتيلي و لنفسج بنفسجي, من يومها و البنفسجي ثابت بكشتي, بس الحين بالحجاب مادري شلون صار شعرج.

دوتس يا تتأدب يا اصك بوجهك و اقول لامي ما يدري.  >///<

لا تلوموني أحب اغيضها و أشوف رده فعلها .. 
سو كيوت X//D بسرعه تخجل و كله تهاوشني و تقول عيب عن كل شيء اقوله مع اني ما اتخطى اي حدود كلامي كله عادي DX  تبا لها  T.T    

هدولتي شوفي بصور اصباغي مع الباستيل و ادزهم لج, خلينا من هالحجي شلون الدنيا معاج؟  أختباراتج شلونها؟ وحشني صوتج.

الحين بتسوي محاضره ثانيه XD سكتت برهة و بعدين تكلمت: الحمد لله كل شيء بخير, الدنيا حلوه .. و مو حلوه

افااا قوعتي بماده مثلي ؟ XD  عادي كوكورو تتعوض

قامت تتكلم بارتباك و جنه الحجي يطلع منها بالغصب: لا مو الاختبار.. 

– قامت تتكلم بارتباك أكبر –  

بس .. اشتقت اشوفك .. مثل أول و نزوركم و تجونا .. جاني.. حنين ..  لهذيك الأيام ..  و تحلا الذكريات باوقات الاختبارات, اتذكر..  كل شيء ..  بطفولتنا

O///O معقوله هذه  هديل!! غمضت عيوني و ابتسمت, قلبي ينبض بسرعه و احس بشعور غريب فيه.. شعور حلو .. أحبها يا ربي  ابي ابجي  T^T

هديل, و اللي خلقج اني أحبج

ردت بخجل: shut up baka ecchi  >////<

طوط طوط طوط .. صكته بخشتي =_=  

شسوي ما قدرت امسك نفسي عن الكلمه T^T  و اهي يعننها كل ما قلت لها شيء عصبت عيب و عيب انا شقايل ياخي ما تخليني اعبر !! تميت ألعب و للحينها فراسي, ماني راضي باللي صار عصبت علي و زعلت ><   بسوي اي شيء يراضيها

دزيت لها مسج بدون ما افكر:

 Hadool, I'm sorry love, I didn't mean to teas you nor make you feel bad or even embarrass you.  I really do like, no, love you, you know this and I know you do too, why don’t you let me express my self. I will propose one day and you'll be mine ill fight everything and anything to get you. I am not blind by love I know you have bad sides like I do but I also accept them like you do with me. I wish if you can open your heart to me. We are almost like engaged couples, everything is official, nothing I say is crossing any line, we are engaged didn't  I just say it! Once my mom agrees to the whole thing, or even if she doesn't,  I will get you dont be mad at me i dont like it T^T.

دزيته حتى بدون ما اطالع شكتبت , بعد ربع ساعه رن التلفون, نقزت و انا ألعب عالسوني " monkey is calling " تبا لك والله ما ارد ول ناطر هديل من ربع ساعه و احاسب اهي و نطيت و اشتطيت اخرتها انت XD

دز ليي مسج: يا غبي شدزيت لخالتي انت كلمني ضروري.

خالته @_@  جيكت عالرقم " watashi no kokoro's mother " اخخخخ مالذي فعلته !! @_@

رحت فيها خلاص ابي الارض تنشق و تبلعني .. دقيقتين و التلفون يرن حسبته حمني فرديت بسرعه

 خالتي ام هديل: ألو

يمه رحت وطي @_@ اشلون ارد عالتلفون بدون ما اطالع الاسم : أ أ ألو هلا هلا  خالتي شلونج شـ.. -بلعت ريقي - شخبارج

–قلبي بيوقف من الخوف -

خالتي: حمزه يمه

 – قلبي وقف عن النبض و جسمي برد و الدنيا قام تدووور XD  لقد ذهبت بها –

هلا خاله امريني

–  قمت اطق اصبع و شوي و الطم –

يمه وليدي شالرساله الي دازها توك؟ ادري انه خربطت بالرقم قريت اسم هديل بس شنو انت !!؟

شنو انا؟ @______@ يمه ولدج بيروح من جيس اهله ولج يمه بروح فيها

ما تعرف تكتب عربي؟ تقرير كاتب عشان ماركات الاصباغ, حاولت اقرا ما فهمت ولا شيء ابي اقظب اسم ماركه ما استوعبت ولا كلمه, اهو هديل بتقول لي الاسامي بس لو داز بالعربي جان عرفت من الاول

ها!! آ اي اي شسمه ..  حسبالي رقمها ما انتبهت بعدين شسمه  انا متعود اكتب – بلعت ريجي – اكتب انقليزي

اي يمه هديل توها طلعت من البيت مع بنت عمها و بنت خالتها و رفيجتهم, كانت متنرفزه و اهي طالعه بس دزيت لها المسج و قلت لها انك دزيت بالغلط و شنو الاسامي الي دازها و الطريقه, ما ردت علي  فقلت اشوف غيرها اكلم  ابوها يترجم لي.

يمه ولدج كاد ان قع عليه القصاص XD  

بس كان نايم و حمني توه موصل لي اغراض من بيتهم فقلت له يقرا و يعلمني بالمكتوب, قرا و انمسحت الرساله بالغلط فما عرفت الاسامي ولا الالوان او الطريقه شكلك تعبت و انت تشرح يوليدي فقلت اتصل فيه لو ادري جان من الالول اتصلت ولا هالنص ساعه الي ضاعت.

يمه .. يبه .. انتو راضين عني اليوم .. الحمد لله  XD

اسف يخاله المره الجايه بتأكد من الرقم .. 
– الحمد لله كان ان يقف قلبي –

 الماركه  اهي لوريال و ان كان الي بيستخدمها صغير ترا الاحسن طباشير الشعر لان الماده الكيميائيه ممكن تاثر بفروه الراس و تسبب تساقط. و الطريقه للصباغه موضحه عالعلبه, تفرغين المحتوى بالصحن الاسود مال الصبغ و تضيفيه اكسجين و تخلطينهم ليما يكون سائل لا خفيف  حيل ولا ثقيل عقب بالفرشه تصبغين. الطباشير اسهل بس بللي الخصله و مرري اللون باتجاه واحد عالشعر.

تنهدت مرتاح و سجدت لربي شكر انها ما تفهم انقليزي  XD

حبيبي يوليدي ما قصرت والله, الله يعطيك العافيه يمه, بروح الحين اجيبهم, انتبه لنفسك و سلم على امك.

الله يعافيج, يوصل, مع السلامه يخاله.

ظليت مبلم خمس دقايق بسبب ما حدث الحمد لله رب العالمين انها ما تعرف انقليزي. مع اني مو مسوي شيء داز مسج لخطيبتي, صج مو مملجين للحين بس خو خطيبتي مدري ليه بيعصصبون ان قرو شيء جذي ..
 الحمد لله بغت تنفصخ الخطبه عل حماقتي XD  

راسي قام يعورني نسيت ظربه الشمس من الخرعه .. حسيت بدوخه, انسدحت عالسرير و تميت احدق بالسقف, غطيت بالنوم. 


ألم.. ألم  في راسي احسه ثقيل و اجفاني كأنها من قرميد مو قادر افتحهم, حسيت على صوت منبه التلفون, شفيني ما اقدر اقوم؟ ولييه شكلي مرضت, ياخي مو وقته شسوي الحين؟ اخذ بندول و بصير زين, طيب قوم انهض .. مافيني حيل =_=

آآآآآي راسيي هففف جب يالمنبه الغبي 

 -  طفيته  و رحت اصلي و اشوف شيء اكله –

ماني قادر اطالع زين الرؤيه بدت تصير بيضه, انا غبي شلون اطلع من غرفتي هالشكل لو داق على لجمي  تجيب لي اكل بغرفتي احسن. نسيت انه عندك هبوط ضغط ملازم لك يالغبي انثبر و ناد اي احد .. شسوي انا حمار ما اكلت, يوو خلاص جب شفيني اكلم نفسي. 

نزلت عالسلم و انا اترنح, امي كانت تمشي رايحه للمطبخ لمن شافتني.
 وليه الحين تحاسبني سكران و تسوي لي محاضره. ظلت تطالعني مادري شتقول, اكيد قعد تهزء .. بس ملامحها هالمره غير جنها شايفه صرصور و خايفه هههه

خلاص اسكت تنكت و انت براسي  =_=


حسيت الدنيا تدور و فقدت القدره على التحكم برجولي, و انا انزل عتبات الدرج طحت  للارض و انطق راسي من ورا بالحديد  المشغول الي على الدرابزين ..على شكل ورد و اشواك. الرخام  كله دم.

الرؤيه تروح و تجي كاني افقد الوعي و افيق. شفت امي تبجي و شالتني و اهي تصارخ تنادي ابوي, عقب شفت ابوي يركض و احنا داخل .. مستشفى! شجابني هني!؟ غمضت عيوني و فتحتها لقيت ناس لابسين ابيض, اح في شيء براسي و رقبتي كأنها ممزقه.
  غمضت عيوني و فتحت لقيت نفسي بمكان ثاني ..
 كنت بغرفه خاصه بمستشفى, يمي ورد.

رديت غمضت و لمن فتحت هالمره امي و ابوي واقفين, امي كانت ... تبجي!!! معقوله !
 عيونها كلها دموع يعني تبجي صح؟ غمضت و فتحت كان المكان فاضي, اي عدل كنت اتخيل, بس شجابني اهني و راسي ليه يألمني بشكل مو طبيعي, قدرت  اتحرك و هالمره ما فقدت الوعي, شكله المخدر بدأ يزول, الالم زاد بسبب زوال المخدر.

 دخلت امي.  

يمه صحيت ..؟ الحمد لله ما من شر ان شاء الله.. شلون راسك..؟ تحس بألم؟ في شيء يعورك؟ انت بخير ؟

اطالعها, امي هذه, بس قعد تبجي! .. بسبتي ؟؟ ماسكه كف ايدي و ايدها ترجف!!

حمزه رد علي في شيء يعور ؟ ليش ساكت؟ تقدر تتكلم؟ حمزه انا امك كلمني  -دموعها تنهمر مثل المطر و صوتها مخنوق- !!  دكتوور تعال عفيه – قامت تبجي و تنادي الدكتور –  دكتوور اخاف الظربه أثرت بشيء

تنادي الدكتور ؟؟ شكلها تحاسبني فقدت القدره عالنطق.. او فقدت الذاكره ؟
عقب برهه استوعبت الي صار, طبع مو حلو فيني احتاج وقت عشان استوعب انا وين او الي قدامي شيقول.

يمه سلامتج ماكو شيء .. بس شويه عوار براسي .. انا شلون جيت هني؟

قامت تشرح لي الموقف و اهي تبجي و صوتها يرجف

كنت بروح اسويلي قهوه لمن شفتك نازل من الدرج و تترنح خفت فيك شيء او رد عليك الضغط, قلبي ناغزني من الصبح وجهك اصفر, و انت تنزل هبط الضغط ففقدت الوعي, طحت عالدرج و انجرح راسك و رقبتك جرحك عميق يا يمه و تلوث الجرح.

–قامت تبجي زود –

. خوفتني عليك قلت راح ولدي من ايدي  و لمن شفت الدم جف دمي بعروقي مادري شلون قدرت اصرخ و ابوك سمعني,
 جا يركض شلناك عالطوارئ و دخلوك العمليات بسرعه و هناك اظطرو يقصون شوي من شعرك و يخيطون  الجرح بعد ما ظلو ساعه يعقمونه. 
 كان مكانه خطير اسفل الراس نازل للرقبه لو حايش عرق غلط جان الحين انت ميت.

مادري شتقول ماني مستوعب .. بس .. واو !! معقوله !  امي و ابوي خافو علي ؟؟  معقوله !؟

دمعت عيوني, خافت امي و ظلت تحن شنو يعورك شفيك يولدي, يمه ولدج دموعه خانته لانه اول مره يحس بحبكم انتي و ابوه. يمه ولدج مستانس انه طاح و تعور و وده لو من زمان متعور هالتعويره الجايده عشان يحس فيكم بقربه, يمه ولد يشكر الله الي خلاه ينجرح عشان وجع قلبه يلتئم شوي.  ولدج اول مره يحس .. انج امه و تحبينه تخافين عليه من عشرين سنه.
قلبي امتلا شعور دافي حسيت بحنانها و بحبها و خوفها علي عقب عشرين سنه! 

ابتسمت بتكلف: يمه سلامتج بس الالم براسي يعور و احسه ينبض فيه عرق, ابي اريح شوي.

جا ابوي و ابتسم لمن شافني صاحي و الكشره شكبرها .. لمعت عيونه, حسيت في دمع محبوس, ابوي خاف علي بعد! ابوي من قبل يعاملني احسن من امي بس ما عمري وثقت بانه يهتم لي ابد, كنت اقول لو اموت ما بتنزل دمعته عشاني, الحين عشان جرح طوله 10 سم جذي يصير فيه!! شكله متخسبق و جنه ناطرني من يوم ما دخلت العمليات لان دشداشته مالت البيت المخططه مو مبدلها. يمه يبه, مو انتو الي تبجون أنا الي ابي ابجي

ها يالشيطان طلع مافيك شيء و موقف قلوبنا انا و امك يمه منك يالذيب هههههه , ما تشوف شر يولدي كم مره اقول لك اكل ولا تسمع تستاهل عشان المرات الجايه تطفح لمن نقول لك اكل.

خلاص اجل يبه ابي كنتاكي .. مو تقول لي اكل؟

دامك تبي كنتاكي اجل ما فيك شيء جنك قرد ماشاء الله و امك مو ناقص غير تلطم راح ولدي , اطلع من المستشفى و بجيب لك وجبتك المقدسه.

الدكتور يقول لازم اظل بالمستشفى اربع ايام, جاء ثاني يوم,  كان حمني  يحاسبني مت  لأن لمن دق علي و امي ردت و اهي تبجي

 "حمزه راااح يا عبدالرحمن"

 اخذ الفكره الغلط, عرف بعدين  انه جرح عميق من راسي لرقبتي , اخذ رقم الجناح و الغرفه و جا مع امه وخالته ام هديل  و هديل, حطو ورد و شوكولا و مشو, ظل حمني و معاه هديل عقب ما مشو امهاتهم.

 كنت نايم, بس مادري شلون كنت صاحي, اقصد كنت اشوفهم بس هم يشوفون جسمي النايم!؟ جنه نايم بس عقلي مستيقظ ؟ مادري المهم اني شفتهم و اهم قاعدين محزنين, رن تلفون هديل, طلعت تكلم برا, ظل حمني يمي قاعد عالكرسي, سند راسه عالسرير و قام يكلمني,  شكله ما يبيني اسمع الي بيقوله لان صوته كان واطي, و اهو متاكد اني نايم.

دوتس . ان تركتني انت بعد, والله ما اسامحك. تهدني لحالي بهالدنيا عقب ما احمد راح و عبدالله انقطع عنا بديره ثانيه!؟ خوفتني عليك حيل يا اخوك, ليه تسوي فينا جذي؟ تختبر حبنا لك؟ ولا شنو بتشوف بالضبط؟ يوم امك ردت علي و تقول حمزه راح يا عبدالرحمن بصوتها الي كله بجي و شهقات و انتحاب قلت الامر صج, برد جسمي و حسيت ممكن قلبي يوفق باي لحظه, ما تدري بالخوف الي تملكني لمن فكرت بهالشيء, فكره مخيفه . .  دوتس  اخوي راح!!

شد عالبطانيه و قام يبكي بحرقه, حسيت بقلبي يعتصر, ودي ارد عليه ودي احضنه اوريه اني بخير, بس المخدر مانعني اني حتى ارفع جفوني. حمني انا اسف.

هدأ و اهو للحينه حاط راسه عالسرير, مرت كم دقيقه و رفع راسه: 
ill miss ya bro, get back soon.

طلع من الغرفه, كانت هديل عند الباب جنها تعطيه مساحه يعبر باللي بقلبه. راح حمني و ظلت هديل, باقي على الزياره ساعه و يطلعون الكل.
 رن تلفون هديل اجابت بغضب: خلاص يا كومار قلت لك ساعه تسعه تعال اشفيك ما تفهم؟ ترا نرفزتني توك داق و فهمتك كل شيء و ان ماما سألت قول ماما هديل داخل مستشفى للحين, كومار ترا والله ازعل و ما اجيب لك افلام هندي. اف.

طفت الخط و شكلها اغلقت التلفون كله عشان محد يتصل.

ظلت ساكته, شنو يجول بخاطرج هدولتي؟ ليه ما تتكلمين ..؟

ظلت قاعده عالكرسي و تطالع لوجهي الشاحب الخالي من الحياه, نزلت دمعتها و مسحتها, ابتسبت بالغصب جنها تذكرت شيء مضحك بهاللحظه السوده, انهمرت دموعها و غطت وجهها بايدينها. قامت غسلت وجهها و  ردت قعدت, حطت ايدها على خدي و قامت تبجي.

هدولتي مابي اشوفج جذي, سببت لج كل هالالم و انا مو قصدي أأذي اي احد.
توني مستانس لاني طحت و الحين اندم على اللي كنت افكر فيه. 
ما يصير استمتع بتعذيب الي احبهم عشان احس بحبهم. 

قعدت القرفصاء عالكرسي, حجمها الضئيل ساعدها تضل ثابته. ظلت تخفي وجهها بين ايدينها .. كانت تبجي؟ تتذكر ..؟ مادري تمت جذي نص ساعه و ما نطقت شيء, ترفع راسها تطالعني, تنزل دمعتها و تخش راسها بين ايدينها.

قامت و اتجهت للمنظره (مرايه) عدلت شيلتها و عبايتها, فتحت التلفون: كومار انت برا؟ يالله الحين انا يجي.  

قربت مني ,حطت كفها على خدي و شكلها جنها بتبجي مره ثانيه: dai suki, onegai get back to us

المخدر كان اقوى من ارادتي .. عجزت اني اتكلم او اتحرك او  حتى افتح عيوني.

لو ان دمي قوي, و جسمي قوي, و مناعتي قويه, و الجرح مو عميق عشان يتلوث بالطريج للمستشفى, و ما فيني هيموفيليا غبيه  اثرت بدمي لمن كنت صغير, ولا هبوط غبي, ولا نقص فيتامينات غبي,  جان كل هالفلم الهندي ما صار, اجيد الكرتيه  بس مادري ليه جسمي  مو راضي يستفيد من كل التمارين الي اسويها ولا من الكراتيه او اي شيء رياضي اسويه, جسمي هزيل و قوة تحمله للمرض ضعيفه. و الخلايا المنجليه كل يوم تكسر الهيموجلوبين الطبيعي مسببه لي ضعف جسدي اكبر كل يوم.

الحمد لله على كل حال احسن من كثير غيري عالاقل مافيني القلب و السكر و عضامي قويه جدا للحين ..
اي قص على روحك هههه اضحك على خيبتي.  تبا لازم ابطل هالعاده الغبيه.

 حسيت بألم شديد بكل جسمي و قدرت افتح عيوني, العوار مو طبيعي كأن عظامي بداخلي تحطمت, راسي من داخل ينبض و بديت احس بدوخه. رقبتي كأن ادمي جا و حط حافه السكين عليها و قام يضغط .. رفعت ايدي بجهد, كانت كلها ابر مغذي و ابر مادري شنو, شكله المخدر بدأ يزول مره ثانيه. مو قادر اتحمل الالم .. من شدته حتى ماني قادر ابكي.

دخلت الممرضه و بايدها مغذي ثاني:

 oh your awake sir, feelin better ? or the anesthesia's effect was gone? Do you need another drip of it ? ill bring it right away if your feeling pain

Yes please this pain is unbearable

Right away sir, the pain will go away in three/ four days but we cant keep givin you this drug it might affect your brain functions if we over doze by mistake.

حطت لي المخدر بالمغذي و بدأ شعوري باللي حواليني يخف تدريجيا ليما رديت لنفس الحاله الي كنت فيها من شويه.
الحين برد اشوف الي يزورني و اسمعه شيقول بس ماني قادر ارد ولا اتحرك. بيشوفوني نايم و انا صاحي وياهم.

لحظه!! انا ما  اشوف الواقع شنو هالمكان؟ كوابيس؟ او انه المخدر لعب بخي و قمت أهلوس.

 كنت اشوف نفسي بس بشكل .. غريب شوي, صفره عيوني صارت.. حمره!؟ شعري اطول من الي اذكره.  
كان في اجسام سوده تشبه البشر بش بشكل طيف مالهم رجول مثل الجن مال المصباح, هالمخلوقات تحاول توصل لي,  لها عيون صفره و حدقها احمر من راسها قرون فضيه تلمع و مخالبها طويله, انيابها يسيل منها دم!!  ..
شنو هذه المخلوقات الغريبه؟ ليه هالحلم كنه مو حلم ؟ قاعد احس بالبرود  و الرطوبه الي بالمكان.

الي يحلم ما يدري انه يحلم  بس هالشيء غير. انقضت علي الاجسام الطيفيه و المخلوقات الشبيهه بالـ.. شياطين ؟ بس انا الي واقف هناك قعد امنعهم .. شلون اكون هناك و هني ؟ اطالع المكان الي حواليني, كأنه حديقه كبيره تابعه لقلعه, القلعه بعيده جدا بس اضوائها تبين, الحديقه اشجارها محروقه.. و فيها نتوء.. النوء على شكل رؤوس تصرخ كأنهم ناس احترقو و تفحمو بشكل مخيف!! ابي ألمس و اشوف.. بس - أنا -  الي هناك منعت نفسي.

راسي قام يعورني..  شــالي قعد اشوفه ! ابتعدت عن المكان .. احس كأني طيف! و وين ما رحت الي يشبهني كان وراي كأنه اهو أنا و انا مجرد .. شبح؟ مادري مو فاهم شيء بالحلم ما نقدر ننكر او نثبت بس لاني قادر انكر فاكيد انا مو بحلم, انا وين!؟

ابتعدت عن الاشجار لمكان اكثر غرابه مع نفسي الي هناك, شفت ثلاث اشخاص ملامحهم مو واضحه, الي يشبهني يحاول يبعدني عنهم  بس ما رديت عليه .. جاني فضول.

اقترب – أنا -  مني و قام يصرخ :   ابــتــعـد  .

 بس ما اعرت تنبيهي لنفسي اهتمام.
اي اوك فهمت .. شكله المنطق مالي تجسد بهيئتي, مو؟؟
اعتقد مادري هذا تفسيري لوجودي هناك.. المهم بشوف هالثلاثه شسالفتهم, كان – المنطق حسب ما ازعم -  يطالعني من البعيد و فجأه يقترب و يقول ابتعد خطر, و يرد يبعد.. جنه خايف من شيء.

كان واحد قصير بشرته  بيضا شاحبه جدا شعره اسود ناعم و عيونه جدا كبيره و حدقها الاسود كبير خالي من الحياه, جنه من الدمى الي مالها روح الي مثل دميتي لوسيفر bjd  بس بدون ball joints لبسه اسود  كأنه من القرون الوسطى, و كان في شاب يشبهني جدا بالشكل الخارجي بس ملامحه تختلف, اعتقد نفس طولي حتى, ملامحه مو مبينه مو قادر اشوف, شعره كان طويل للرقبه و مثل الـ gothic  ستايله مسويه مثل القنفذ من ورا , عجبني الستايل جدا, و واحد ثالث بس شكله غير عن هالاثنين .. كان  أطول منهم, اشقر و شعره الذهبي طويل رابطه بشريطه بيضا و لبسه ابيض بريطاني من العصور الوسطى, صار جدل, الشاب الي يذكرني بنفسي دفع الولد الدميه .. شنو الي وراه؟ مادري! الدميه طاح بشيء عميق يشبه الحفره او البير, و لمن الاشقر اقترب من الشاب, الييشبه الدميه تل الاشقر من ايده فطاح معاه.
وقف الشاب مرعوب. شالي قاعد يصير؟

لهذالحد و ابعد, ستورط نفسك 

 – المنطق رد يالليل خلني اطالع شتبي - 

كله حلم و بصحى برد للواقع 

هذا واقع داخل بُعد ثاني, أخرج الآن ...  كفى.

دفعني و حسيته دخل فيني جان افتح عيوني و انا بغرفه المستشفى, الشمس نورها داخل من الدريشه و الستاير تحركها نسائم الهوا. اغرب حلم مريت فيه بحياتي كأن عقلي كان صاحي بمكان ثاني, مستحيل كان حلم وين كان عقلي؟
شفت المنطق متجسد بصورتي, مادري اهو شنو بس انا بسميه المنطق لاني دايم ساحب عليه بمواقف مهمه. 
المكان الي كنت فيه تو شنو؟ المخلوقات الي جنها شياطين شنو؟ الاشجار شكلها creepy  و القلعه الي بنص الحديقه السوده جنه من قلاع المقابر.. الثلاثه الي عند الحفره مادري البير شسالفتهم ؟ تبا لك يا منطق ليه رديتني كان حماس.

 وينك ما ترد كل يوم منغص علي تفكيري  و ترد لمن اكلمني داخل راسي و اليوم ما بترد, كيفك اذلف ماراح استعملك =_=

لحظه .. الي كنت اكلمه داخل راسي اهو منطق ؟ ة_ة المنطق شيء ذكي بس لمن اتكلم مع نفسي ما احس باي ذكاء XD  

كنت اطالع الطوفه و مبلم و انا احاور نفسي داخل راسي و الصوت الي يشبه صوتي و يكلمني الي اشك انه المنطق, اليوم زعلان ما بيرد.

 اوه  لحظه !! انا بالمستشفى ة_ة نسيت اني جيت هني.

امس الظهر طحت على صماخي و جيت اهني و الكل جا يزورني. اليوم المكان هادي و الالم ما احس فيه مع اني واعي الحمد لله, اهي قالت اربع ايام, شلون اليوم احس اني ممتاز؟

الباب يطق, شكلها الممرضه جت تتطمن.

Good morning sir are you feeling better?

قربت مني و انا مسند راسي للمخده الكبيره, مادري شتخربط جنه تبي تحط جهاز على رقبتي و صدري عشان تتاكد من النبضات, ياخي قلنا نفتهم انقليزي بس هذا طبي بحت اهرجي بلغه بسيطه

Ok ok no problem sisterو you can check the pulse, and I'm feeling all better

Do you know you were sleeping for two days? The drug was strong on you, and you shouldn't wake up now you should be under its effect for the next two days. we cant give you another 
doze it'll affect your brain cells.

اح يومين خامد و تقول لي لازم اظل نايم يومين بعد @_@ شكله بسبب المنطق صحيت =_= تبا لك 

No im all fine now I feel no pain at all, thank you for takin care of me.

No problem sir its my job.

ابتسمت و طلعت جهاز من الكبت الي يم السرير, له اسلاك طويله بنهايتهم ستكرز دائري رمادي, قربت على رقبتي و لزقتهم, استغفر الله مافي ممرض رجال؟ زين لا تحطين عطر لبسي واسع الله يلعن ابليسج ><  و لا تقربين جذي مني

Sir I need to do the same on your chest, please take off your shirt

هاه @_@ لا عاد اهني و وقفي

No I cant, don’t you have a male nurse I can feel at ease more '^^

No sir they all are in vacation, please don’t wast time

But but.. I ..

Don’t worry sir it wont hurt

رفعت فالينتي باطراف اصابعها و أنا مبلم @ _ @ 
 اظافرها ناعمه و حسيت بمخالبها على جسمي.. الله ياخذج قصي اظافرج >_<  تبا لك يا كافره >///<  
 نزليها الله يقطع العدو, تبا ايدها ناعمه! تلسق الدواير اللاسقه على صدري بس احس انها تسوي شيء مخل الله ياخذج يالكافره

عطرها و ايدينها اثارت بجسمي رغبات ممنوعه =____=

ياخي يا ام تجيبون ممرضات محتشمات لبسهم واسع و ريحتها بصل و ما تسبح بالعطر و ما تتدلع يا تخلونه ممرض رجال للمرضى الشباب الحال جذي ما ينفع >///<

حطت اللزقات على صدري و الجهاز قام يعطي تاشيرات.

Sir look, the vein that was scratched has been healed and your neck is all fine now,  I see some weird pulses in your heart are you feeling sick?

انا اقول لو توخرين ايدج عني و تبعدين عني مو ناقص غير تنامين بحضني يالكافره >///<

اذلفي و بيرد نبض قلبي طبيعي.

I think it’s the drug's side effect, sir

اي مو بكيف امج

What sir

No no I mean it must be, and im exhausted. Can you leave now, you'v done a good work and thanx for everything   طرده و افتهميها يالكافره

–  عطيتها ذيج الكشره المصطنعه –

Ok sir if anything happens just call out for me

ايه ايه آي ويل اذلفي بس >///<

ذلفت, اف امها من جليله حيا هالاسيويه ياخي شنو هالمستشفى .. شهالي يجيبونهم ياخي هذه وحده اهني يعني في مثل هالاشكال بأماكن ثانيه! مايصير جذي وين بناتنا الي تخرجو, لا وين عيالنا الي تخرجو المريض الذكر لازم ممرضه ذكر و الانثى ممرضتها مثلها ما يصير جذي هالمكس الغبي !! الي حطهم اهني ما فكر انه ممكن في خط احمر و مريض تماثل للشفاء ممكن بسهوله يعبره ؟؟ استغفر الله رفعت ضغطي هالوسخه محد مسموح له يلمسني غير هديل >///<   تبا لي شقعد اقول XD

عقب ما صحصحت ألقيت بنظره للمحيط حواليني.

السرير يفصله عن الطوفه  اليمين طاوله صغيره خشب محروق, عليها علبه شوكولا و يمها تلفوني..

 غريبه ما انباق و اهو اهني ة_ة

الدريشه عالطوف الي يمي كبيره و ستايرها بيضه, مفتوحه الدريشه و الهوا حلو, الحمد لله مافي اختبارات جان طحست هالثلاث ايام الي غبتهم, شكله هالاسبوع كله بغيب  T^T    درجاتي يا رب ما تطير.  قبال السرير بمسافه مترين في طاوله كبيره خشبيه عليها ورد, و وراها  كان في قنفه طويله  بني محروق مزخرفه باسود, و فوقها مثبت تلفزيون متوسط الحجم, ما يشتغل مادري ليه حاطينه. على يساري في كرسيين, اهني كانت هديل قاعده. ورا الكراسي كان في كبت كبير الي طلعت منه جليله الحيا الجهاز , يم الكبت باب الغرفه. الجدران ابيض مطفي, ليه يتكلفون  بشكل المكان و يخلونه حلو اذا المريض ماراح ينتبه لكل هذا؟ بيكون مبتلش بالالم او خامد  و اول ما يصحى يرد بيتهم. و الناس تقط فلوس عشان تحجز مثل هالغرف. وفرو هالمئات عشان شيء مفيد مو تقطونها على غرفه حق ثلاث او اربع ليالي, ياخي لو لشهر عسل اوك مو مشكله بس مريض شبيفرق معاه الشكل !؟

الساعه مثبته فوق سريري, منو الذكي الي قال تنحط فوق المريض؟ اوه.. الساعه 8 الصبح.

طق الباب, صوت امي و ابوي, مر بذاكرتي الي صار بلمح البصر و حسيت بشعور أمان و طمأنينه بقلبي و ارتسمت على وجهي ابتسامه.

ها دوتس, تحس احسن؟ خطاك السوء, ان شاء الله يكون درس لك عشان تعقل. ابوك الحين يجي راح يجيب لك موكا و جكن راشد (جكن فليه بخبز الشباتي) حمني بلغ الدكاتره بالكليه و وصل طبيتك حق هالاسبوع و سجل المحاضرات الي طافتك.

الحمد لله يمه احس اني وايد احسن, اقدر اتحرك و الالم خف ماله داعي اظل يومين, اقدر اطلع اليوم.جنه ابوي يدري احتاج كافين و اشتقت للموكا.

قعدت عالقنفه و قامت تطقطق بتلفونها و كأن كل شيء رد لمكانه, كلامها كان اشوي بارد .. ما ابيها ترد مثل أول :(

ها بتطيعنا و تعقل و تقص كشتك و تشيل البنفسجي و تصير ادمي عاقل؟ ما نقول غير شخصيتك بس غير مظهرك الناس كلتنا بسبب هالمظهر يولدي

ولييييه ردينا الناس و الناس =_=

دخل ابوي و بايده موكا و كيك و جكن راشد و عصير ربيع و آرو و جلكسي و بونتي و سنيكرز و بطاط خل و بطاط فلفل و اندومي. طيب الاندومي وين اسويه ؟؟ XD  ليه كل هذا!!

يبه ليه كلفت على نفسك موكا و جكن كافي

اي بس من دخلت الفرع اقول هذا يحبه دوتس و يحب هذا و هذا فخمطت الي جدامي و جيتك, ها يبا تحس احسن ان شاء الله؟

مشكور يبه جان جبت كنتاكي بعد

اسكت بس لا اهفك باللي برجلي, احمد ربك جبت لك هذا –بغشمره يتكلم –  خل الشايب للعشا.

يالله لا نتاخر عندي موعد بالصالون بعد ساعه الا ربع ولدك شكله مافيه الا العافيه مابي اظيع وقتي.

انتبه لنفسك يبه انا بجيلك العصر و نشوف اذا بيرخصونك او لا

سلام يبه, سلام يمه.

ابوي ابتسم و طلع بس امي ما عطتني وجه و طلعت, ليه لازم تردين بارده؟ ابوي بيرد بارد مثلج لمن ارد البيت؟ مابي ارد البيت ابي اظل اهني تحت التخدير او بالعنايه T^T    مابي ارد البيت و تكونون مجرد ناس عايش معاهم بس مو  متعايش, بظل اهني و و ظلو لي ام و ابو.  مسكت تلفوني, واو مافي شحن =_=  فتحت الجرار الي بالطاوله, اشوه لقيت السكتش حقي, قمت اشخبط و اشخبط و اشخبط, لمحت بين الشخابيط ملامح, كملت الرسم

 – رسمي شخابيط ليما ايدي ترسم ملامح عقب اكمل رسمها –  

الشعر طويل, تخيلته اشقر, عيون حدقها ازرق عميق, ما كملت مادري ليه ايدي وقفت. حاولت استرجع الملامح عجزت مو قادر اتذكره, جيت ارسم الولد الدميه.. الشاب الي يمهم .. عجزت اتذكرهم جنه في شيء فجأه غطا ذاكرتي.
اكلت الجكن و العصير و لمن خلصت  حطيت فوني عالشحن و فتحت لي انمي, اندمجت و انا اطالع و اشرب الموكا.

خلصت حلقتين, طق الباب, يالليل ابي اطالع منو هالمره.

دخل ادمي شايل بوكيه ورد اطول و اكبر منه: بايساب انتا مزعج كتير انا يبي سوبي انمي و انتا يدرعم اهني, مو لازم ورد شفايدته منو الي دازه اصلا؟

حط الورد عالطاوله, اخيه طلع حمني ة_ة"

انا بايساب يا حمار انا اوريك, نط عالسرير و قام يدغدغني: ما اوقف الا لمن تقول انا حمار و انت سيدي.

اوك خلاص انت حمار و انا سيدك –حنجرتي بتولي من الضحك الرحمه-

غبي لا تقلب لمن اقول انا اقصد انت. 

قام يدغدغ اكثر ماني قادراوقف ضحك عشان اتكلم. وقف عن الدغدغه: يالله قول

هديت من الضحك:  خسئت يا اسمر الخشه  ,- لف ذراعه حول رقبتي و قمت اضرب بايده, يا حمار مكان الغرز –

يالله استسلم عشان اوخر.

يحاسبني قاعد اضحك, وخر ايدك وجع الخياط يعورني احسه بينفتح, الخبل يحاسب السالفه لعب ماني قادر اتكلم من الألم.
 حسيت بشيء سائل ينزل على رقبتي, جنه الغرزه  انخدشت و هالخبل لابس سوار يأذي.
وخر عني ااخيرا, ظليت ماسك رقبتي, ألم شديد احس بعرج ينبض برقبتي الله ياخذ عدوك شويت فيني!؟

حمني: شفيك زعلت ..؟ دوتس!

انجب بس شلون ارد و الالم يمنعني افتح عيوني ظليت اتأوه و انا ماسك رقبتي, وخرت ايدي كان فيها اثر دم.

حمني ارتبك و خاف: د.. دم .. دم من الجرح !؟ وين السستر – لا تكفا مو البيتش –

خذ معقم من الجرار و حط بلاستر شكله خدش الله يقطع سوارتك.

كانت سوارته تخدش صوب الغرزه فطلع شويه دم بس الالم ماكان شويه! تبا جرح صغير يسبب كل هالالم؟

اسف والله ما كنت ادري. 

حط الكحول عالجرح, قام يحرق, لقا ضماد لف فيه رقبتي.

خلاص ظبطته, اسف ما انتبهت لهالشيء ما كنت اقصد.

بتعشيني ميمي كاري على حسابك يالقرد  بدال ألم رقبتي هذا.

خلاص تم, طلع من جنطته الظهر اوراق , هذه المحاضرات الي طافتك صرت دافور عشانك مالت عليك مو كفو.

الحمد لله درجاتي ماراح تطير ان شاء الله.. انت منقذي يا مونكي سان

أ أ أ .. مونكي شنو؟؟

اقصد منكي ساما XD

اي عبالي, انا المنقذ لدرجاتك  –  طير بس –  تبا لك يرجال, تدري اني تخسبقت بسبتك هالثلاث ايام =_=  شوف ما بصير كني حرمه و أولول و أطم على الحال الي حطيتنا فيه  XD   مره ثانيه ان ما اكلت و انتبهت لنفسك انا بقول للدكاتره حطو له سم بالمغذي =_= عشان تتعلم قيمه الحياه و الروح تنتزع منك يالانتحاري, و جايين تقنعوني ان كله حادث بغير قصد .. اي هين بدون قصد 
– قام يطالعني بنص عين –

أيالاجرب .. انا انتحاري متهور اوكي  بس تتهمني بمحاوله انتحار! ياخي عالاقل شوف انتحار راقي و دبسني فيه مو هالطيحه السكرانه  حتى اسمي بين الانتحاريين بيتشوه بسببها

ظل يطالعني بنص عين .. هدوء لبرهه .. نطق: الحين تقنعني انه ما كنت تحاول تنتحر؟ اوك بصدق بس عيدها و شوف شلون بغتالك. المهم ترا انمي العمالقه نزلت له حلقه امس و انت فعالم الاحلام

ذكرني بالحلم: ... اي .. ها شقلت ؟ اسف شردت شوي

انت كله صافن و مبلم اقول لك التايتنز نزلت له حلقه جديده

برقت عيوني من الحماس @_@ حقا !! شصار ؟؟ ابي اشوف  ><

نشوف سوا لمن ترد البيت, انا بمشي الحين امي ناطرتني اوديها السوق. انتبه لنفسك و تحسن بسرعه اشتقنا لهرجك بالكلاس, اي على الطاري ترا امس مجموعه من الشباب الي ويانا جو زاروك بس كنت تحت تاثير المخدر. يالله سلام

انا ماني متصور اشلون نمت يومين متواصلين و الحلم او المكان الي كنت واعي فيه ابصرته مده اقل من ربع ساعه!

طالعت الساعه, عشر و نص. اف زهقت متى يجي ابوي ابي اطلع =__=  

يومين و انا تحت تاثير المخدر, يترا هديل جت؟

ماراح انطر ابوي بطلع على مسؤوليتي, وقعت عند الدكتور و سولي فحوصات سريعه يتطمنون اني بخير. رديت للبيت بتكسي.

دخلت البيت لقيت ابوي مندمج مع " ناشونال جيوغرافيك ابوضبي " التفت لي و استغرب: دوتس! ليه طلعت انا مو قلت اطلعك على مسؤوليتي العصر؟

اي بس المكان ممل و ابي اطلع خلاص صرت زين فوقعت و مشيت.

طيب روح اكل و اخذ ادويتك, احمد ربك ما حولو لك دم, عوض الحديد الي راح. 

صعت فوق, مريت يم غرفه الكوي
 (غرفه نحط فيها الملابس المغسوله عشان تنكوي و تتعلق و الادمي يجي ياخذ الي يخصه و يمشي)
كانت امي تاخذ دراريعها, انتبهت لي و كملت الي تسويه.

=_= توني طالع من المستشفى و كنت تحت تاثير المخدر يومين و بغيت افطس جذي تستقبليني !!؟ يالله شكله كل شيء بيرد طبيعي.

فتحت الباب.. غرفتي الجميله اشتقت لج  T^T   سونيتي المقدسه .. كراساتي و دفاتري الاعزاء .. بجايمي و بدلي الجميله .. على طاري بدل صار لي ثلاث ايام ما بدلت ولا تسبحت ولا شيء ة__ة"

نص ساعه شور عقبه نص ساعه مندحس تحت البطانيه من البرد. ياللييل مو وقته اخذ نزله برد و خصوصا بالصيف =_=
 انا ليه ماخذ كورس صيفي !؟ شجاب طاري الدراسه ؟ جب زين.

انتبهت لنفسي, حاضن المخده و متلحف بالبطانيه و اتهاوش مع نفسي براسي XD  انا مختل بجداره

احس بالم في بلعومي .. يا الله ليييش مو وقته يا لوزتيني  T^T  تبا بدت حرارتي ترتفع DX  مابي امرض اكره المرض. توني طالع من مستشفى  T^T

تجاهلت العوار فلوزتيني .. مع اني نمت يومين بس احتاج انام بعد .. انا مرهق.

غطيت بالنوم و انا متحمس ابي اشوفني, و انا, و اهم, و المكان العجيب هذاك.

 بس للاسف شكله حلم عادي.

....................................
رايكم و انتقاداتكم..
توقعاتكم للمصطقبل ؟
شكرا لمتابعتكم تعني لي الكثير :)