الفصل الرابع

بعد الحادث الي صار فالمستشفى بردت السالفه و ردت الحياه لمجراها و رد المناجر مع امي و ابوي على اتفه الاسباب, قص شعرك و البس نفس الرجال, بطل سوالف الشياطين, بطل سوالف المثليين. ما ألومهم لان بو اشاعه ما قعد عاجل و انتشرت اشاعه بين الناس اني تغيبت بالمستشفى لاني كنت احضر روح حق واحد بس لضعفي البدني الروح سلبتني القوه و فقدت الوعي و اغمي علي يومين بالمستشفى, ابوي و امي ما انكرو كالعاده مع انهم يدرون انبط راسي و بغيت افطس بس الي يكرهون عايلتنا كثار و يحبون يدسون السم بالعسل. ودي اجمعهم بمكان و اكب عليهم غاز و احرقهم. 
زين اهلي عارفين الي صار ليه يسون جذي؟ اشتقت للثلاث أيام بالمستشفى و الشعور بالحب الي غمروني فيه حزتها. لمن بردت الاشاعه ماقام يناجرون بالعكس صارو جنهم ما يشوفوني مثل قبل و برود بالمكان. خلص الكورس الصيفي و حمني سافر مع اهله لخوال امه. ظليت انا و الحب السوني و السكتش حقي و كومار السايق يطالع معاي افلام هنديه كل جمعه و يبجي بسببها. 
رن التلفون, برنامج لاين بس منو هالادمي؟ 

ألو ..؟ 

الووو انت, اشلونك يالجني 

حمني؟ 

لا مونكي ساما XD 

شتبي داق بتحرني بالجو الجميل و المناظر الخلابه و المزز الي بكشمير؟ T^T 

اي جنك تدري, عاد يا حلووهم الكشميريات اخيه لو تشوف الي اشوفه. 

ايه التيس عديم اللحيه ليه تحرق اعصابي بالجميلات ذوات العيون الخضراء T^T 

وحشتني والله اشلونك الاوادم اهني كلش مو مال حشيش و فله, انكت وياهم تنقصف جبهتي 

والله أبد مستانس و مهيص مع السوني الحب و كومار كل جمعه يجيب فلم هندي نطالعه و ابوي و امي بطلو مخانق معاي و ردينا مثل اول نجتمع بس على فيلم السهره و محد يكلم احد, بس هذا احسن, يعني تأدر تؤول  متونس بدنيتي بس ناقص وجودك والله. 

اووو يعني تعترف الحياه بدوني مو حلوه قولها قولها يالله حمني ساما له الفضل في سعادتي و سأكون الجني المطيع خاصته 

خسئت ايه القرد XD 

ليكون بس زعلان علي  انت و خشتك لاني ما اتصلت من اول ما سافرت بس شسوي ماعندي شبكه سنعه اهني و امي تقول الكافيهات الي هني بعيده عن قرية خوالها. 

خلاص خلاص سامحتك, -سألته بحماس- شسمه.. حمنيو  شلون  الي معاكم و كلكم و الاهل و قرايبكم  و المسافرين؟ اقصد خوالك خالاتك و عيالهم و شسمه 

اي قول هديل بدال ما تقول الاهل و كلكم و قرايبكم و الي سافر وياكم =_= 

اح.. واضحه ؟ "^^ 

اي لانك ما عمرك سألت عن الاهل و القرايب و المسافرين و بنبره الصوت المشتطه هذه من قبل الا هالمره يوم جت الحب  ويانا XD 

ياخي شلون تصيدها و هي طايره 

عشرطعش سنه معاك اخذت فيك ماستر XD 
حسيت بوجهي يحتر و قلبت احمر و انا اضحك باصطناع: هههه 
كملت بارتباك:  كح شسمه.. اي شلونها؟ 

بوص يباشا ولد بنت خاله امي الكشميري الجميل بو عيون زرق و شعر اسود و بشره بيضاء شكله حط عينه عليها بس غير كذا اهي بخير و كله تسال عنك تحاسبني كلمتك و مغير قاعده و تطالع انمي او افلام هنديه او تلعب سوني. 

قلبي قام يعورني, الكشميري الي يتكلم عنه يطلع اماراتي الجنسيه ابوه و عمامه من العوايل الكبيره بالامارات, و امه هنديه كشميريه, امه و ام هديل بنات خاله يعني قريبها, انا انسان بعيد كانو جيراننا اخاف يصير الي ما ابيه و تفلت مني بسبب امي الي مو راضيه تكمل لاسباب غبيه, تعكر مزاجي خنقتني العبره قمت اتخيل اشياء غير ساره. 

اوووي دوتس تشان موشي موشي هل انت هناك اشفيك صفنت؟ 

هه لا ولاشي بس كنت افكر انه اهي تمضي وقتها مثلي 

دوتس ادري شتفكر فيه, ماكان قصدي اعكر مزاجك يوم قلت لك, بس ابيك تتصرف بسرعه قبل لا يصير الي انت ما تبيه, تراه ولد بنت خاله امي, اخ شطولها القرابه شوف انت شقربك, ولد الجيران, اقرب لها 

طينتها يمه ما كحلتها =_=

 
المهم ان هديل تحبك انت و هذه نقطه لصالحك.. بس لمتى؟  
تبا لك ايه الفاهي دقيت بستانس قلبتها ظيم XD  شوف احسب لي خمس ايام و برد لك اذا مو اقل اشتقت لقعدتك هالهنود الي هني مملين جدا 

تحمست: مونكي ساما @_@ تدري فيني احبهم اشرايك نيكست تايم اجي وياك؟

 
لا لا تجي بتدخل معاهم موجه و تخليني برا مابي XD

  
تبا لك  T^T

 
دوتس عزيزي الاحمق لازم اروح الحين انتبه لنفسك اكل زين لا يصير فيك شي و ابعد عن المشاكل اربع ايام و برد 

هاي هاي واكاتا انتبه لنفسك لا تلحق الكشميريات خلك ولد مؤدب و تعال بسرعه العطله زهقه. 

سكر التلفون و انا مادري شسوي احس بفراغ الدنيا رماديه *^* 
قمت افكر بكلام حمني, ولد خالتهم هذا عقبه جديده طلعت لي مادري منين. اخاف يجي اليوم الي يفسخون فيه الخطوبه عشان اهو ياخذها :( يعني شسوي؟ اكلم امي مره ثانيه, بس شكثر نتهاوش بسبب هالموضوع و حججها غير منطقيه! عيل شسوي! مووو ميندوكساااي.
تمغطت و بدلت ملابسي, ابي اطلع اغير جو حطيت السماعات باذني و قمت اطق رقبه على اغنيه بابار فيل. اتمشى بالحديقه الجو بدأ يحتر اكثر اغسطس بيدخل عقب اسبوعين و اخر سنه كليه بتجي.

متى مر كل هالوقت؟ زين طف الاغنيه اذا بتتكلم مع نفسك =__= اوه اسف. 
مرت اربع سنوات من توفى احمد. و سنتين من سافر عبدالله و تواصلنا متقطع نبارك لبعض بالاعياد و المناسبات. سبحان الله تحس ان اليوم يشبه امس, و بكرا مثل اليوم, ما يتغير شي بس لمن تشوف السنين الاخيره الي طافت صارت وايد احداث! ولا شي ظل على حاله! 
نغمه  التلفون خرعتني و انا مندمج مع بابار فيل ذكي نبيل و عالم الاطفال عالم جميل. 
كان مسج فتحته و انا اتأفف -.- 

يسرني ان ادعو اعز اصدقائي "حمزه علي الـ *** و عبدالرحمن محمد الـ *** لحفل زفافي المقام بصاله *** في اماره الفجيره, في يوم الخميس الموافق 14/8 

@_@ ماذا !!!!!!!  وت؟؟  كياا ؟  ناني!؟؟ عبدالله بيتزوج! 

مر شريط الذكريات مع عبدالله من اول يوم تعرفنا لمن كنت باول متوسط, ليما سافر لخواله بالامارات مع امه و اخته. يا اخووي والله لك وحشه و فجأه انقطعت عننا و وحشنا صوتك و وحشتنا قعدتك و قطعت اتصالاتك ويانا ولا قمت عن احوالنا تسأل و لما نتصل فيك ما ترد و الحين تدز لنا دعوه لعرسك! تعرفت على ربع غيرنا؟ خذو غلانا؟ منو الي اخذتها؟ تحبها؟ شنو عشت من ايام بعيد عنا يا عبدالله؟ 
ههه شي غريب! حمني يتصل فيني من الهند عشان يتذمر و ما عنده سالفه, و انت ياللي يمي بالامارات صعب تشيل التلفون عشان تعزمني؟ انا انعزم لعرس واحد من اغلا اصحابي بمسج! مدري ليه حز الأمر بخاطري. بس والله اني مستانس له و الله يوفقه بحياته و بكل خطوه يخطيها.  سبحان الله الي يشوفنا قبل ما يتكهن انه بتمشي بنا الدنيا جذي! الله يرحمك يا أحمد موتك جمعنا حيل فبعض بس جت الدنيا و غصب بعدتنا. 
I know its life, no body stays for anybody and one day everyone we knew will be gone and new ones will be there, but are they going to love us the same way that the old ones did? The memories are replaceable .. so are love and affection the same? What am I babbling about =_= why am I talkin to my self again! Oh shit 


مرت الاربع ايام و كأنهم اربع اشهر, ملل و حر شديد و شكلي بصخن مره ثانيه. 
حمني بيوصل باجر مع اهله اخيرا الملل كاد ان يجلطني. 
كنت جالس أرسم و مندمج بأغنيه حق الحب ايمي لي ايفانيسينس .. الوقت ظهر و الجو يصهر الادمي, طق الباب "طق طق طق"حمني و لأول مره يدخل من الباب.

دوووووتس جنيي الصغير عزيزي اشتقت لك اعطي صديقك عناقا 

قط روحه علي و عصرني, غاب مده اقل من شهر متى طول جذي! 
اح اح وخر اشوي شوي يا غبي عصرت ابو جسمي جذي الادمي يعانق الله ياخذ الي علمك العناق افلتني 

مالك يباشا خو كله عناق يعني شنو ما يصير اشتاق لخشتك مالت عليك تبا لك ارحل موت ما راح اهتم =_= 

ياخي ما قلنا شي بس انت عصرتني XD 

مشتاق لك مالت عليك =_= 

خلاص لا تبرطم, اشوفك كاشخ .. لا و داخل من الباب بعد والله انت كذا –thumbs up- 

اي شعور جميل لمن ادخل من الباب XD  أحس اني مؤدب و محترم  J المهم ما علينا, وصلت لك دعوه عبدالله؟ خوينا بيتزوج و بيهدنا T^T 

اهو هدنا من قبلها ما بيفرق شي الحين   J

 
دوتس لا تبرطم ولا تسوي فيها دراما, لو كان الأمر بايده جان زارنا, مو اهو بين فتره و فتره يتصل و يسأل عن احوالنا؟ صحيح انه بس بالمناسبات الرسميه بس عالاقل قاعد يسبقنا بالتهاني و السؤال, يرحم ابوك خالي عليوي لا تسوي فيها فلم هندي, عندي تشبع من الهنود و الفلفل مالهم =_= 

حمني يحب يتشبث بكل شي غالي عليه و يبرر بس عشان ما يفقده, ما ألومه لان عمر و احنا سوا بس خلاص  if they let go of you why do u cling, itll hurt more with time 
I know but he doesn't know, yeah, wait am doing it again =_= 

دوتس اشفيك جتك الحاله تعابير وجهك تتغير جنك تكلم احد XD  شكلك نكته لو تشوف نفسك هههههههههههههه 
خزيته بنص عين: جب بس اشفيها لو كلمت نفسي =_=  
ابد مافيها بس ترا المجانين اهم الي يكلمون نفسهم XD 
القرود اهم الي ينطوون من الدريشه 
هالمره انا دخلت من الباب XD  
دوتس عزيزي لا تاخذ بخاطرك على عبدالله زين؟ انا بروح احجز لنا تذاكر خلك خوش ادمي و تعال نظبط جدول للعطله الصيفيه عشان نستمتع. 

اعطاني هدايا على قولته و تواعدنا نطلع باجر الصبح. يحليلك يا مونكي والله انك خوش نفر, جايب لي دشداشه هنديه J  مادري بنجابي مادري شيسمونه جنها دشداشه بس تحتها بنطرون مكسر واااسع غصت فيه لبستها مع القحفيه و نزلت للصاله و أنا ادندن اغنيه هنديه و اطق رقبه XD   ...  كانت امي قاعده بالصاله مع ابوي و مريت يم الصاله امي شهقت جان اتقوم  تولول: يوييلي منو طب علينا بو حمزه قووم يا حظي شوف رجال مشا لهناك 

انا خقيت قمت اطالع منو الي طب علينا ؟؟ حمني توه طلع يدرون انه كان موجود فمن ذا الذي درعم علينا عنوه!! ركضت لصوب باب المطبخ الي يودي للشارع و ابوي يركض معاي .. أو وراي؟ ما حسيت الا بنعال يضرب صماخي XD 


احح يبه ليه تصفقني بنعال قعد اشوف منو الي طب علينا ><

اوه هذا انت @_@ احاسبك افغاني مدرعم بالبيت شلابس انت؟ 

هديه من حمني من كشمير الهند J

روعت امك بهالليل الله يهديك =_= 

شدراني خو منو يعني بيدخل علينا و الباب مسكر =_= 

رح رح داخل لا افلعك بواحدن ثاني 

دخلت و لمن امي شافتني صفنت على ما استوعبت قامت تتحسب و تدعي علي XD 
يلهوي الموقف كان فله لو شايفين تعابير وجيههم  هههههه 
كملت رحلتي للمطبخ للغداء, توست و مرتدلا و شرايح جبن مع عصير برطقان بارد, عوافي بهالناء, الله يعافيك, حياك.. هاJ shit again !! 
جت لجمي ولا يطيح من ايدها القلاص الي شايلته: واااااااه يا اللااا سوبهان اللااا نهي نهيي انتا بابا همزه دوتس !!؟ نهي انتا سيم سيم بوليوود اكتر!! سوبهااان الاااا تووم بهوت خوبي صورت –يعني شكلك حلو باللبس الهندي- XD  بودا واجد هبي انتا 

وش فيها ذي خقت كذا XD بوذا بعينج يالبوذيه هههههه وناسه تقول عني خوبي صورت J اي شفت شلون لبس حمني خلاني جني ممثل هندي Jوالله اني خطير XD 
رديت عليها و انا فاطس ضحك على تعابير وجهها اهي و النقطه الحمرا الي بنص جبهتها: شكرا لجمي .. اولا -  انا مو همزه الله ياخذ عدوج حرفتي ابو اسمي  J

 دو -  مي بوليود اكتر نهي كرتاهي –يعني ثانيا ماني ممثل بوليودي XD  - و شكرا لانج خقيتي على خشتي و انا لابس هندي بالعاده تخافين جنج شايفه جني J مع انج الي ربيتيني و انا طفل صغير يعني حسبه ولدج  J

بابا همزه دوتس لا يسوي شي انا يسوي هق انتا كدا 

اوو بالعاده تسحبين علي لمن اقول لج سويلي اكل XD 

الهين انتا سيم سيم بجي مالت أنا كومار – يعني تشبه ولدي كومار- XD 

كمرج العافيه!!  شايفتني كحلي؟  J

سنو يقولي انا ما يفهم 

ابد سلامتج شكرا جزيلا سويلي صاندوتش مع عصير برطقان و جيبيه لي سالا – الصاله – سورا سورا   J

اوكي همزه دوتس

 
دوتس لحالها و اسمي مو همزه ولج حمزه ح ح حححح حمزه, يالله انا رايح بهوت شكريا. 
راحت تطلع الاغراض و تغني هندي و مندمجه جنها تذكرت ولدها كومار XD 
يحليلج يا لجمي عمرج بيصك الخمسه و خمسين و للحين مو راضيه تتقاعدين.. اقصد تردين ديرتج و ترتاحين انتي يبيلج الي يخدمج بس والله انها خوش ادميه, اي والله اهي الي ربتني لمن امي كانت تطلع للسوقه و الطلعات و العزايم و كله ساحبه علي و انا صغير, اي جم صار لها لجمي؟ جنه 20 سنه .. اي .. تبا انني اقوم بذلك مره اخرى =_= 

صعدت الدرج و انا اكلم نفسي كالعاده و كانت الصاله مظلمه جنه امي و ابوي راحو يرقدون.. وش بها لهجتني اليوم XD  
فتحت التلفزيون ولا احصل فلم ديفداز على بوليود.. ناقص ظيم انا بس شنسوي خنطالعه و نبتسي  عاللبن المسكوب و عالحزن و الرمنصيه الي به  L

دخلت لجمي للصاله: همزه دوتس سامونا كلاص هاج أوافي وليدي .. همزه انتي وينك؟ 
اكيد في قوربا – غرفه – 

رديت و أنا عيوني عالشاشه:لجمي فوق فوق.. 

دخلت و عطتني الصحن: هاج همزه دوتس 

شكرا ماما  لجمي   - شكلها معلقه عالاسم XD  -

خلص الفلم و عيوني صارو يخرعون من البجي بالفلم XD 
يعزف على وتر حساس هالفلم حسيت بمعاناه ديف و اهو يواجه الدنيا عشان بانو الي مو من عايلته ولا ملته و لا شي مثل ما انا احارب اهني بلحالي هييي يا شاروخان ظيم يا اخوك ههههه عفيه فلم خمس ساعات من الساعه 2 الظهر يالله تخلص الحين ظاع يومي XD  ابرك لي اخمد.. اي والله جنك تدري اني تعبت .. يالله  ننام؟ .. تبا اخرس >< 
الصوت الي براسي مأذيني.. اظن اني بديت أجن!؟ ما بك الا العافيه =_= .. شب J


خمدت قرير العين لثاني يوم  و ما حسيت الا البطانيه تنشال بعنف جان اتخذ وضعيه الدفاع بعد رفسه التيس الشهيره.. عملها تاني ولد ابوه حمني XD 
قمت اطالعه بنص عين: شتبي تنغص علي يومي و العطله الجميله ما صار لها شهر و شوي من بدت =_= تبا لك ايه القرد الاشمط 

شب بس هذا جزاتي اني جايب لك هديه .. بعدين شنو اشمط؟  J

تحمست: الله تقول هديه .. شجبت؟؟ كح اشمط  يعني مثل عجوز شمطاء بس على مذكر XD 
قام يطالعني بنص عين: شكلي بهون عن الهديه 
رديت عليه بضحكه فاهيه: ههه اوك اذلف بنام مو مهم 
رد علي: لا لا خلاص كنت امزح هاك هديتك الثانيه. 
تحمست افتحها و انا مشتط مالهديه التي جعلت حمني يجي من الصبح عشان يقدمها!! تلفون؟؟ تابلت؟؟ ساعه ؟؟ شريط سوني !؟ هـــــا! .  .   .   . 
قمت اطالع بفهاوه لداخل الصندوق .. جان اشيل الجوتي و افلع حمني فيه: جوتي من بو خمس ربيات!!! تبا لك اطلع برا برا و شاط روحك و شاطني معاك اخرتها جوتي ولا مقروظ بعد 

أي تعور ترا .. شفيك ياخي ما يصير نظحك عليك يعني

 
شايفني مظحاكه اذلف بس =_= 

خلاص خلاص لا تزعل مو هذه الهديه .. شوف اشجبت لك 

طلع من جيبه صوره .. مسكتها و عيوني صارت قلوب <3 ≥/////≤ 

كانت صوره جماعيه لحمني و اخوانه و هديل و اخوانها و عيال خوالهم قبل عشر سنوات بالهند و هديل لابسه لبس هندي .. جميله جدا فتاتي L
حمني قام ايطالعني بنص عين: اشفيك خقيت ترا الحين شكلي احلا 
طالعته.. ما فهمت: ها ؟ عفوا؟ 
رد علي: لا بس اقول انه الحين شكلي احلا من قبل ليش جذي تعابير خشتك لمن شفتني بالصوره خقيت على برائتي (صوره ملاك على راسه حلق ذهبي يشع نورا)
اخ كم أود أن ألخك كف مصري صعيدي راشدي اصلي يعدل تفاصيل وجهك: أنا اطالع بخشتك و أخق؟؟ 
طالع للصوره و انتبه انه هديل وياهم بالصوره الجماعيه 

@_@ holly shit  ما انتبهت لها الا تو.

 
اخذ الصوره من ايدي بسرعه جنه يتدارك امر ما =_=" 
كانت هديل بالصوره  ماسكه ايد واحد من عايلتهم و رافعتها لفوق و تضحك و اهو مسوي حبتين, جبهتها مفلوعه هههه 
"  اذكر يوم انفلعت بالباب يوم كانت تبي تجي عندي عشان نرسم لمن كنا جيرانهم, فتحت الباب بدون ما انتبه جان يصفق بجبهتها و امي جت على بجيها و فلعتني بنعال"
و وراهم اخو حمني مسوي قرون الحمار على راس الولد و حمني مسوي قرون حمار على راس هديل و thumbs up  بايده الثانيه و يمه اخته لولو و جنه عمرها جم شهر شايلتها وحده من خوات هديل اعتقد ساره, جنه كان عمرها ثلاث او اربع سنوات و هديل سبع سنوات بحكم انه الصوره من عشر سنين. شكلهم كلهم كيوت و عيونهم كبار و ملونه خضرا و لبسهم حلو *^* 
كح كح .. نعتزر على زلك 
على ايه 
معرفش المهم يالله خنطلع نتنزه 
ابي انااام ياخي مالي خلق 
زين اخمد و انا بلعب سوني على ما يصير لك خلق تصحى و نطلع 
اوكي اللي يكون بس اذلف بنام ما نمت امس تفهم عربي ولا ارطن لك هندي 
دووتس اشفيك جنك تبي تتهاوش قلنا نام =_=" 
مـتـزعـقـنـيـش 
حاضر يباشا 

لفيت راسي بالبطانيه و خمدت.. الساعه كانت سبع الصبح عفيه عليك نشاط, زود بروده التكيف و سحب لحاف و قام يلعب سوني و انا نايم قاعد. اغفي شوي و اصحى شوي عيوني تقفل و تفتح. 

حسيت اني فتحت عيوني على مكان ثاني.. شكلي قعد أحلم..  كنت بمكان شبيه جدا بالي ابصرته فالغيبوبه ام ثلاث ايام.. شفت واحد اشقر و مبين عليه الغضب و الانزعاج, كان يردد بتندم على خيانتك و كان مادري شيسوي فبرطمانات داخلها سائل اخضر.. جنه داخلهم عيون؟! كان في لفيفه مهترئه يمه طويله بس مافيها كلام, كان منزعج يقول كلام مو قادر اسمعه عدل .. عن لفيفه ضايعه بسبب خيانه شخص و بينتقم و بيلبي له الطلب  الي طول عمره يتمناه و بيخليه جحيم .. اجتاحني فضول اعرف شالسالفه.. انتبهت اني كنت كالطيف و اشوف نفسي على مسافه مني بشكل طيف بس مدري شنو فيني غير انعكاسي مختلف و ماكان يحاكيني مثل مرآه.. كل ما اقتربت كان يقول ابعد.. تحول المكان و شفت نفسي داخل مكان اسود مظلم.. كان في اثنين شباب واحد شكله مألوف كني شفته بحلم من قبل و واحد اول مره اشوفه .. شنو هالحيوانات الي يمهم؟ شكلها يخرع جنهم زومبي بس الشباب مستانسين فيهم و هذا بو كشه سوده مثل القنفذ مستانس مع قطوه تخرع عيونها شكلهم مريب .. سمعته يناديها أليسا بصوت حزين و عيون كلها حنين!! 
اقترب مني المنطق و صار حدق عيونه الحمر قبالتي.. ارتعبت: ابتعد .. محظور المكان عليك أنت حي. 
حسيته دخل فيني .. تلبسني .. مادري بس حسيت بخوف و لمن غمضت عيوني.. فتحتهم على خشه حمني =_= 

ياا لييل النحس لمن كنت اشوف حلم من هااااااك النوعيه الحلوه تجي خشتك اول شي بعيوني لمن ابصر الواقع =__= 

دوتس صار لك اربع ساعات خامد ما صارت الساعه 11 ونص !! و انت نايم كنت جنك تشوف كوابيس خرعتني. 

أح 4 ساعات @_@ مستحيل الي أبصرته ما جا خمس دقايق 

ابصرت شنو بحلمك؟ -_-" 

واحد يعابل مع عيون فبرطمانات شعره طويل .. اااه .. اي لون ؟ يوو لحظه انا شايفه من قبل شلون انسى >< 

فركت عيوني و باطراف ايديني مسحت بشكل دائري جبهتي احاول اتذكر: حمنييي ذكرني احس شي يغطي ذاكرتي نسيت شنو شفت 

انت مخبول قم غسل خشتك و خل نطلع ختمت شريطين و انت خامد 

هذه ثاني مره يصير هالشي, ادري اني شفت حلم غريب كأنه واقع بمكان ثاني, بس لسبب أجهله ماني قادر استرجع أي شي منه. يمكن أحسن لك ؟ لمنو؟ اي اقصد أحسن لي حتى براسي قمت اقط خيط و خيط XD  .. .. اي ة_ة . . ه_ه" المهم -.- 
ها وين بنذلف؟ 

حيثما تشاء يا عزيزي طب و تخير .. 

انا اقووول دامه وقت غدا خنسلم على صديك و نجيب اثنين قلافل اثنين جكن راشد و عصير ربيع XD 

اوك يالله عازمك على حسابك

لبست بدله عاديه .. حر و جم طويل بس شسوي ان شافو تاتو الحنه الي على ذراعي بينغسل شراعي XD 
بنطرون خفيف رمادي و بلوزه جم طويل بنفسجيه فاتح و نهايتها قالب لبنفسجي غامج, بالنص صوره سماعات اذون الكبيره.. لبس غبي و مو ستايلي بس شسوي هذا الي جدامي XD 
كان حمني لابس شورت رملي و جوليه مادري شيسمونه  نص كم رمادي اغمج و تحته فنيله قطن خفيفه بيضاء اللون. 

نزلت تحت لقيت لجمي تخم و امي ترتب, مما يعني ان حمني خرج من الباب الخلفي لان امي مو لابسه شيلتها, يالليل هناك في جلب =_= 
انتبهت لي اني طالع: ها وين بتديح – وين بتهيت – اكل قبل ما تطلع لا تطيح علينا و يبلش فيك عبدالرحمن. 

لا تحاتين بروح الحين أطفح عند صديك 

جم مره تتسمم منه ما تتوب انت =_= 

شسوي أكله لذيذ مع انه وصخ XD

 
زين انتبه لنفسك لا تدش بهوشه محنا ناقصين سوالف و مشاكل 

رحت للباب الخلفي و انا ألطم داخل قلبي, حمني يخاف من الكلاب عقب ما عضه الكلب بحديقه جارنا على شسمه XD  وصلت لقيت كلب الحراسه مال حديقتنا ينبح و حمني متعلق عالشجره الي ينط منها لغرفتي كل مره XD  شكله تحيف. 
هديت الكلب و رديته مكانه يم باب الحديقه, مادري شلون الخيط فلت! نزل حمني و لصق فيني مرعوب ليما طلعنا بسلام, و اظطرينا نلف البيت كله عشان محل الاخ سديك بالشارع الي جدام مقدمه بيتنا.. ياللييل ليه البيت كبير لهالدرجه! عشان ألف يبيلي خمس دقايق. 

دوتس بسوي فلم بسديك 

" على فكره سديك /صديك يعني صديق و تشير للعامل الهندي في المطعم الهندي الي غير مرخص و يكون بافرع الجمعيات يتسمم منه عامه الناس بس مع ذلك يطلبون منه فلافل"

معاك.. شبتسوي بوه؟ 

أبد .. بس بموتك و اشوف شيقول XD 

تحمست: يالله قدام XD 

وصلنا للمحل و ظليت برا استمع للفلم الذي سيؤلفه حمني عني J

دخل للمحل و سلم عليهم و قال لهم انه كان بالهند و تحمسو و قامو يرطنون هندي xD 
طبعا حمني مخلي نبرته حزينه و نظراته أليمه و سألوه عني. 
صديك: بابا همزه وين ما ايجي من جمان؟ 
حمني: لا يا صديق لا يسأل – لف وجهه للناحيه الاخرى بشكل درامي و قذيلته تحركت مع الهوا و غطت عيونه مثل افلام بوليوود XD 
رفيك: ليس لا يسأل هازا بابا   همزه واجد جين نفرات  ( رفيك يعني رفيق و تطلع على العامل الغير هندي في المطعم الهندي "بنغالي, هندي تاميلي, نيبالي, باكستاني" XD ( 
تحمس حمني و قام يمثل انه شاروخان بفلم حزين و أليم و يعطي نظرات حزينه, طالع بوجه رفيك: ميري دوست (يعني صديقي)  –نكس وجهه فجأه و شعره تحرك معاه و غطا خشته كما بالافلام الهنديه- كلاص مافي هوا يروح خودا حافز لك يا سديك و رفيك .. 
الله يرهم همزه وين ما في – خدا يعني الله – 

وقف صديك مصدوم و فمه مفتوح و عيونه مثبته على حمني, و رفيك الباكستاني يضرب ايدينه فبعض و يقول لا هول ولا كوت الا بالله –يعني لا حول ولا قوه الا بالله-  و قامو يترحمون علي و يذكروني بخير XD 
حمني رفع راسه يطالعهم بصمت و عيون جاده: لحظه بيساب منو يقول انه همزه في موت؟ انا ما يقول هوا في موت انا يقول هوا يروح و الله يرحمه وين ما راح هوا راح للجمعيه يجيب حليب – كشر معلنا نهايه المزحه – 
طقه رفيك على جتفه و صديق يقول: الله يسامه انتا واجد خوب انا ليس سيزي سوي بابا انت نفرات باقل –يعني خبل بالهندي- 

دخلت المحل و انا كاتم ضحكتي و مسوي نفسي ما ادري عن الي صار. جان يجون صديك و رفيك و يسلمون علي و يقولون اني خوش نفر و لازم ازورهم و الاعمار بيد الله و انهم يحبوني فالله و يوصوني عالصلاه و طاعه امي و ابوي حشا حسيت احد فينا بيفطس كله من مقلب حمني خلاهم يفكرون جذي XD 

سديك اثنين صمون فلافل واحد جكن فليه اثنين بطاط كتشب مينيز اثنين جكن راشد. بس  J

لف علي حمني: متأكد بس J !!؟ شرايك بعد اثنين عيش و مرق بتعشي قبيله انت!؟ 
رديت عليه: حقي و ابوي و امي و السايق و الخدامه,  موصيني من زمان اذا رحت لسديك يبون اطلب لهم و انا ساحب ما رحت له من شهر

كم انت كريم يا دوتس

وصل الاكل للبيت و اخذت صمونتي و عصيرتي و قعدنا بالحديقه نستنشق عبير الزهور الفاطسه XD .. طبعا داخل خيمه صغيرونه نصها مفتوح عالحديقه و نصها الثاني المسكر فيه مكيف  الصغير الارضي الي يشتغل بالماي .. خففت عننا حراره الجو الي برا 

و انا اكل فتحت موضوع احلامي الغريبه: حمني, في مره نمت و ابصرت حلم غريب ما يعدي دقيقه و لمن تصحى تلقى خمس ساعات مرت؟ 
قام يطالعني و ياكل صمونته و لمن بلع اللقمه جاوبني: كل الاوادم جذي يولدي, يشوف حلم متداخل ببعضه و يدوخ و يحسه ممدته قصيره بس يصحى يلقى نص اليوم مر و ينسى احداث الحلم. 

طيب تشوف نفسك بالحلم واقف جدامك كأنك جبال منظره –هزيت راسي نافي- لا لا مو منظره ..  كأنك .. كأنك كيان ثاني .. كيان ثاني يكلمك يشبهك  بس فيه شي مختلف .. و اشخاص تشوفهم دايم و  يمرون عليك باكثر من حلم  ما عمرك بحياتك شفتهم .. تبصر حلم تحسه واقع و تحاول تقرب من الاشخاص الي بالحلم يبعدك الكيان الي يشبهك. 

قام يطالعني بنص عين و اهو يشفط عصيرته: دوتس يا عزيزي كم فلم رعب شفت من يوم تركتك و سافرت الهند؟ شكلك قمت تطالع خوارق الطبيعه مو افلام رعب فهالشي اثر بمخك الي من زمان مولي. 

رفعت اكتافي: يمكن مثل ما تقول هالاحلام الغريبه صارت تتكرر مؤخرا بس باحداث و اماكن غير. و اذكر لمحات من هالاشخاص واحد اشقر و واحد مثل الدمى bjd  بشكل ستايل القرون الوسطى, و واحد .. واحد يشبهني بس شعره اسود قنفذي الشكل و لمن اجي بتذكر الملامح  أكثر, يجي شي يحجب ذاكرتي حتى الي جنه انعكاسي بتذكر شنو الاختلاف بشكله ماني قادر. 

حمني يسمع بصمت و عيونه مثبته علي:  حجي ليكون قاعد تشوف جنانوه والله اني قايل اغانيك المجنونه الي تسمعها بتسوي فيك مس =_= من يوم شفت هالمجنون مارلين منسون مادري شسمه الي يشبه الجوكر و انا غاسلن ايديني منك XD  

قمت افرك ذقني و انا افكر بعمق بكلام حمني انهم شياطين.. هم شياطين؟؟ لا مو شياطين.. انزين شدراك؟.. ادري مو شياطين لانك تصلي و تقرا قرآن .. هم صح الشياطين ما تقرب يم ذكر  الله بس لحظه انا طول اليوم اسمع اغاني ممكن بهالوقت يتسلطون..؟ لا محمي .. ها؟ ما فهمت ة_ة شنو؟ مادري ..!! اكلمني مره ثانيه XD 

لفيت على حمني لقيته يصورني و فاطس ضحك و كاتمها داخله و لمن انتبهت له طلع ضحكته و فحط عالارض يضحك: دوتس وربي فيك فصام ههههههه ما هذا يا راااقل تكلم روحك و هالمره تتمتم بالكلام كدت اسمع حوارك مع ذاتك XD   انت من زمان تتكلم مع روحك بس زايده هالسالفه اخاف فلعة راسك ذاك اليوم مأثره فيك

قمت من الكرسي فجأه و عيوني جذي @_@ طاح العصير من الطاوله للارض: الفلعه !!!! جبتها يا قردون من يوم انصفق راسي بالدرابزين و انا اشوف هالاشياء و اكلم نفسي بزياده !! حمني تتوقع بنجن!!!!! لاااااع انا اصغر من اني انجن و اجمل من انه يصيبني فصام DX  ما ازال شابا ابي اعيش ابي اتزوج و اجيب عيال XD 

هذا الي هامك ههههههه تتزوج و تجيب عيال لا بالله بتخرع هديل ان ظليت جذي XD 

لمن ذكر اسمها قلبي قام ينبض بتسارع و حسيت خدودي صارو حمر و الجو يحتر: ها !! هديل ؟ شفيها @/////@ 

ابد سلامتك بس ان خذتك بنت خالتي فبتنجلط بسبتك 

مخي قام ينسج صور لنا @///@ اهي بالنفنوف الابيض @/////@ اشياء مشفره XD 

لفني كف حمني: هيه اشفيك اصحى سكرت من ذكرت اسمها بس XD  شوف خشتك شلون صارت حمره يا روميو , شف دام انفتحت سالفه لهالموضوع خن اكلمك بالجد و نهد الهرج و الضحك لبعدين. 

صوته كان جاد, قام عن الكرسي و شاف بساعته كان الوقت ظهر عز القايله الساعه 12 ونص: قم خنصلي و نطلع مجمع او اي مكان و اكلمك بسالفتن ظروريتن جدا. 
مابي اطلع اليوم خنظل بالبيت نلعب سوني و تقول لي سالفتك و باجر نروح برا 

صلينا و خلصنا بالمسجد الي يم الحاره و ردينا البيت و احنا نتذمر من حراره الشمس لمن دقت ام حمني توصيه على شويه اغراض و انا ذهني شارد بالي بيقوله حمني.. شنو عندك يا حمنيووه! 

دخلنا البيت: يماااا حمني بيقعد معاي لين مادري متى خل لجمي تظبط العصير 
ردت امي من الصاله: هو خو حمني مو غريب يدخل يفج الثلاجه يطلع عصير و يرفسها برجله عشان يسكرها, روحو يمه لا تزعجوني و انتو تلعبون سوني الحين ترد لجمي من الجمعيه و اقول لها تودي لكم بلعه. 

صعدنا لغرفتي قعدت عالسرير و حمني فتح السوني و قعد عالكرسي الدراو بالعكس يده بايدي و يده بايده ان خسر مسكت الدوره و ان خسرت مسك عني و كذا. 


و احنا نلعب حمني سألني: دوتس انت جاد مع هديل صح؟ ما راح تفصخ الخطوبه و بتكمل للملكه صح؟ 

حمني هذا سؤال الله يهداك انت اعلم فيني من نفسي و تدري شكثر هديل غاليه علي.

دوتس هذا مو مقصدي انا سالتك عشان ادخل للموضوع الرئيسي

 
كلامه وترني.. شالسالفه! ضغط ستوب و لف صوبي، دز برجله عجلات الكرسي و قرب لي.

 
دوتس تذكر ولد خالتي الاماراتي؟ خالتي حيل تغليه و قام تتذمر لان للحين ما ملكت على هديل 

حسيت بغصه بقلبي و قطبت حواجبي, والله مو بايدي, ولا ادمي من الاهل راضي يجي معاي عشان نملج ولا تبن راضي عشان نفس الاسباب الغبيه>< 

سمعت ان خالتي تبي تفصخ الخطوبه 

@_@  ليه 

دوتس صار لكم ثلاث سنوات ولا ملجت للحين.. شلون تبي امها تتصرف؟ حيل متضايقه خالتي بس لانها تغليك و تدري شكثر انت متعلق بهديل فما قالت شي.. محمد بيجي للديره من الامارات.. تذكره؟ الي كان بالصوره الجماعيه و احنا صغار ماسك ايدها.. خالتي عندها خطط ثانيه لمستقبل هديل و انا ما ودي اشوفك بحاله depression عشان راحت من ايدينك, اهو قريبي صحيح بس انت اخوي و غلاتك بقلبي أكبر.

تعكر مزاجي حيل يا ربي شسوي !! مابي اخليها تروح من ايديني يا ربي مو هديل تكفا يا رب شنو بايدي اسوي؟ قعد اسمع لكلام حمني و قلبي يعتصر بسبب حاجز غبي بنوه اجدادنا و احنا ندفع ثمن انغلاق مخهم! ليش لا ميصير تكون لي اذا كان فيها عرج هندي؟ ليش لا اذا اصولها مو شماليه مثلي؟ شنو السبب الي يمنع فهموني مو كلنا مسلمين عرب!!! :( 

حمنيي قول لي شنوو اسوي -رميت ظهري عالسرير و رجولي نازله منه، رفعت ايدي- اهي قريبه مني حيل احس اني اقدر امسك ايدينها الحين -قبضت كفي عالهوا-  مابيها تروح مني 

فتحت كف ايدي مره ثانيه، مسك ايدي حمني و قعد عالسرير يمي يطالعني بنص عين 
دوتس جنك مره بتتطلق على هالتعبير الي بخشتك 

نفخت خدودي معصب: جب يا مونكي انا اتظيم و انت تتطنز انت و خشتك 

خلاص اسف   يا مطلقه 

بوس راسي و اسامحك

 
ظل ماسك ايدي و بيبوس راسي ولا تدخل لجمي عالمنظر الشبهه.. انا على السرير منسدح على ظهري  و حمني فوقي يبوس راسي و ماسك ايدي xD  
طاحت الصينيه من لجمي و انكسرت قلاصات العصير جان تشهق.. جان ارفس حمني عني و طاح عالسرير، جت لجمي تركض صوبي جان اخاف الحين تفلعني كف .. لجمي حسبه امي اهي الي مربيتني من يومي بزر فتمون اذا صفقتني كف من الشبهه الي تو  

همزه انتي مريض!!! سنو في راس مال انته ليس بابا حمني يقيس هراره مال راس مال انته ؟؟ انتا مريز ؟؟ همني همزه سنو في مسكل؟؟ 
اشوه شكلها واثقتن فيني و لله الحمد.. حطت ايدها على جبهتي و كانت حرارتي اشوي مرتفعه.. 
انا يعرف انتي وازد مريض همزه, همني في بندول تهت بساله يم تلفزيون سورا سورا جيبي. 
سكرت الدريشه و طفت المكيف و السوني و دثرتني شوي و يجي حمني بالبندول اخذت حبه غصبا عن خشمي xD 
لجمي انا كويس مافي مشكل 

لالا همزه انتي مريض 

ولج انتَ انتَ مو انتي سحكتي رجولتي 

كلاس مافي كلام انا الهين ينادي ماما 

لا يرحم امج مابي امي xD 

بس اسكت لا يسوي جنجال -تخرع لمن تعصب و تصير جديه-

نزلت تنادي امي و حمني مفهي يطالعني: طلعت مصخن يا تبن و خليتني ابوس جبهتك الحين تنقل لي المرض الله ياخذ العدو 

شب بس شب زين ما فهمت غلط لجمي 

انا بطلع الحين لان امك بتعطيك محاضرات و تهزيء XD

See ya bro

شوي ولا امي تجي: دوتس اشفيك؟ جيت اركض لمن قالت لي لجمي ان حرارتك ارتفعت

كانت يدوب تلقط نفسها امي العزيزهJ واو جايتني تركض!! xD  

ابد سلامتج يمه بس اشوي صخنت بدون ما احس

حطت ايدها على جبهتي جان تشهق: يمه كل هالحراره و تقول اشوي صخونه!! انت اثول ولا حمار 
شكرا يمه :) 
مو قال لك الدكتور اي صخونه تجيك خطر عليك تبي ترد للمستشفى ولا تبي تعذبنا انا و ابوك ليه تسوي جذي فينا!! 

يمه اشفيج مافيني شي شكو اعذبكم الدكتور قال اذا ارتفعت حرارتي خطر علي بس الحين لان الجو حار فجسمي همن حار مافيني الا العافيه. 
طلعت جهاز قياس الحراره و دخلته بحلقي:اسكت بس خنشوف شهببت بنفسك 

كان مبين عليها القلق.. ياخي وناسه ابي امرض كل يوم xD 
طن المقياس و طلعته.. شفته جان انصدم @_@ سحبته امي من ايدي ولا تشهق

و تقول مو مريض!!!!!!! ولك شمصخم انت حرارتك 39 انت شلون للحين بوعيك و لك خلق تتكلم و تتخانق !!! تبي تطيح بغيبوبه مره ثانيه!! ليش تحب تعذبنا ليه ما تسمع كلام الدكتور!! 

يما وربي اني ما حسيت اني مريض كلش اكيد الجهاز خربان @_@ مستحيل 39 حرارتي 
كا شوفي انا بصحه زينه الجهاز خربان 
قمت على حيلي و رفعت ذراعي جان احس بدوخه فجاه و الدنيا قامت تفتر.. اح اثاريني صج تعبان، قعدت عالسرير و انا ماسك راسي و اتأوه 

شفت شيصير فيك لمن تكابر خلاص خلك بالسرير مافي طلعت لين تنزل حرارتك الحين اجيب لك عصير برتقال  و دوا بتحتاج سائل وايد. 
طلعت و سكرت الباب المكان صار قمته و حسيت بالتعب فجاه قبل ربع ساعه كنت بخير شالسالفه!! 
فتحت عيوني و طالعت يميني صوب الدريشه كانت مفتوحه! ما اذكر متى امي فتحتها، غمضت عيوني و لفيت لليسار تخيلت اني شفت كيان  ماخذ هيئتي كاني اشوف نفسي.. تخرعت!! غمضت و فتحت ما شفت شي شكلي قمت اهلوس من ارتفاع الحراره.

مر وقت جابت فيه ميري اكل و ادويه, طلعت و بعدها بعشر دقايق فتح ابوي الباب: ها ياليني امك تقول تعبان! ماشاء الله ماشاء الله حصان مافيك الا العافيه ليش تخوف امك .. 

جا و قعد عالكرسي يمي: يوليدي ليه ما تهتم لصحتك انت انسان مريض دمك ضعيف بنيتك هزيله زين انك تعلمت عالكراتيه ولا جان حال اسوأ.. ليه تحب تخرعنا و تخوفنا عليك!! 

قعد اطالع ابوي و مستغرب من الاهتمام الفجائي لمن درو ارتفعت حرارتي . تم يطالعني ابوي و جنه يتذكر و على وجهه ابتسامه: حمزوه اخذت عيونك الصفر من عمتك  الي ماخذتهم من ام جدتنا الله يرحمهم ثنتينهم  كل ما اشوفك اتذكر عمتك, حتى كانت مثلك مريضه بالدم .. بس الحمد لله حالك احسن، كل ما تطيح علينا اتذكرها و اخاف، اترجاك يوليدي لا ترعب قلوبنا عليك ما صدقنا انك طلعت من المستشفى  بخير. 

تساءلت بصوت واطي: يبا انتو خايفين علي؟ -لفيت عنه و غطيت نفسي بالبطانيه- بنام شوي قعدوني بعدين
حط ايده على كتفي: خذ الدوا و اكل شي قبل ما تاكله و لا ترعبنا عليك حالك قاعد يتدهور و صحتك من سيء لاسوء اهتم بنفسك يا دوتس ما نبيك تفجع قلوبنا. 
شال ايده من كتفي و ربت على راسي و طلع.. استغربت الي صار.. كل هذا بفضل فلعه راسي الي قبل جم شهر!! سبحان الله شي ظاهره سيء بس باطنه رحمه !! 
اخذت السندويتشه و العصير و اكلت ادويتي و خمدت. 


صوت برنامج لاين، من حمني: "يوو مان, هل انت حي ولا فطست؟ "
رديت عليه: " اسف لاني حي للحين شتبي  XD "

 " ابد بس بسالك شنو بورث منك اذا فنقشت قبلي "

   " تبا لك ارحل "

" افا انا ارحل؟ لو ما انا جان الحين انت مو ماكل بندوله و فاطس عليهم "

 " لو ما جراثيمك يوم جيت تبوس راسي العظيم جان ما مرضت"

" اح دبستني xD تبا لك يا جني .. روح اخمد لا يصير فيك شي و يتهموني بالامر اهلك "

حطيت راسي بخمد ولا يرن التلفون .. وليييه توك تقول لي اخمد -.-

مسكت التلفون ولا اشوف watashino kokoro is calling  
جان انهض فجاه من سدحتي و سندت ظهري عالمخده الكبيره و حسيت بتوتر ماذا افعل ماذا اقول.. ابي اجاوب بس متوتر Dx 
ضغطت الخضرا: ألو .. >< 
ردت بصوتها الي اشتقت اسمعه T-T 
دوتس!! 
روحه 
اشفيه صوتك!! ة_ة 
ابد.. تعيبين شوي و صرت بخير من سمعت صوتج

 -غمضت عيوني اتخيل شكلها و اهي تكلمني و غمرني شعور جمييل دافي ♡

  لمعت بذاكرتي الصوره الجماعيه لهم و قريبهم الاماراتي جان يعورني قلبي- 

 @_@ مريض!! من شنو اشفيك؟؟! خطاك السووء يالغلا >< ليه مريض من شنو شصار !! 
اكييد من كنتاكي تسممت جم مره اقول بطلع او من مجابل السوني جالك صداع .. اكيد ماكل شي بايت وااي منك ما تتعلم >< 
هههه شوي شوي علي بالاسئله حبه حبه يجدعه xD 
هدولي يا عزيزتي فيني صخونه و حرارتي معديه 38 و البيت صار خبه اظل داخل اكل طالع و ابوي يعطيني محاضره عشان اهتم بصحني 

بصوت جاد و قلق: دوتس انت تبي ترد للغيبوبه؟! تدري ان صحتك قعد تتدهور و انت مو مهتم لنفسك!؟ ليه تسوي جذي فينا ليش تحب تشوفنا مختبصين عليك >< 

حبيبتي والله مو قاصد اهو حمني لمن باسني نقل لي جراثيمه جان امرض

 
ها .. با باسك!! @_@ 

يبعد خشتي .. اشربي ديتول عشان يتنظف فهمج xD 
حب راسي عشان اسامحه 

لا تلزق السبب بشخص ثاني دوتس.. انا بجي بعد ساعتين و نص .. اهتم لنفسك لين اجي عندي جم شغله اهتم فيها.. اكل زين و لا تطنش ترا افلعك على صماخك الذي لا يفتهم تبا لك احمق. 

حبي مو لازم تجين انا بخير 

ما تبيني اجي؟ متاكد ما تبيني؟ 

ما قلت ما ابيج بس ماله داعي تجين 

احتاج اشوفك.. من رديت من السفر ما كلمتك و تقول ما تبي تشوفني! 

مابيج تلقطين المرض مني -ما اعرف شلون اواجهج عقب كلام حمني- 

دوتس بتطمن عليك و اريح قلبي 

براحتج بس تراني بخير -انا مو بخير ابيج يمي بس ما اقدر اقولها.. احتاجج- 
خلاص اوك يا عزيزي ماراح اجي اهتم لنفسك. 
شكرا هدولتي عالاتصال صرت احسن من سمعت صوتج 
انت شاطر بالكلام المعسول بس :) اهتم لفنسك.. سلام 

ابي اصرخ .. تبا زعلت مبين من صوتها و كلامها انها زعلت  >< والله ودي بشوفتها بس مو الحين ما احب تشوفني بهالحال! ان شافتني الحين بتقارني بمحمد قريبها الاماراتي؟؟ شسوي ان زهقت مني و اسلوبي الغبي بعدها عني!؟ شسوي ان .. اختارته علي!؟ اكيد انا بكون السبب بتعاستي .. ليه انا غبي و دايم ابعد الناس الي احبهم عني!؟ 
الحمد لله ان حمني لزقه مهما اسوي بيظل لاسق فيني T^T 
I cant think like this I'll lose him too if i take his presence for granted. 
   oh shit a mood drop.. هذا الي ناقص =_=" 

غفيت و قمت اشوف احلام متداخله.. كوابيس!! مخلوقات غريبه و مخلوقات اشبه بالشياطين على القرون الي براسها .. قلعه بوسط ظلمه سوده من الاشجار الكبيره.  ليه كل ما ابصرت هالنوع من الاحلام اكون بنفس المكان؟ جني اعيش فيه =_= شنو هذه الكويت بالعالم الموازي!!  xD 
اوكي اوكي الحين يطلع الولد الدميه و الاشقراني و ابو شعر القنفذ و الي يشبهني بعيون حمر حفظت الفلم ياخي غيرو مخي عزيزي غير الفلم حفظته ختمته :) 
اوه.. لحظه !!!  ناس جدد @_@ حماس XD  شهالالوان!!!! اح جني علاء الدين xD 
وينه الي يشبهني المنطق خيشوف هالجنانوه الاربع xD 
في جني اصفر قااعد يرقص.. و جني اخضر يتحجى حساوي xD وياهم جني علاء الدين :)!!! و جني احمر بنظارات شكله المثقف بينهم.. 
جنها حفله  استقبال او وداع بس اعتقد وداع!! قعد يتحاضنون و الازرق قام يبجي من التاثير. الاصفر مشا مع الاخضر ظل الاحمر و الازرق.. قربت بشوف مالذي يجري.. سمعت الازرق يقول ابقى اهتم فيه كويس ده زي ابننا .. منو ذا الي مثل ولدهم ة.ة" اختفى الازرق و الاحمر شكله بالش بامور كثيره و كل شوي اتصالات و من كلامه  كانه يدور عن احد.. و اختفى هو بعد و تداخلت احلام ثانيه و ابصرت مكان ثاني فيه شخص مو قادر اشوف وجهه كان يكلم شخص من تلفزيون كبير بس بدون كهربا.. مادري شنو هذا شموع مولده شاشه و نقوش جنها طلاسم مبينه الصوره داخل مستطيل جنه تلفزيون جنانوه .. كان الشخص الي مو قادر اشوفه يعطي اوامر لشاب بس مو فاهم اللغه!! الصوت مالوف بس ماني قادر اشوف و فجاه طلع المنطق و رد يغثني مره ثانيه بكلمته خطر اخرج من هنا .. وش فيه ذا يهرج فصيح ابثرت حياتي ياخي خل اتطمش دام محد يقدر يشوفني =_=" 
كملت طماشه و جا وقف يمي حسيت برعب الي يشبهني حجمه اكبر مني و اطول جنه انا لو كنت بعمر اكبر شوي.. لفيت عالشاشه مره ثانيه كان الشاب شكله مالوف جدا يشبه بو كشه قنفذ الي شفته قبل بس هالمره شكله جنه نسخه لابس بدله عاديه و ممشط شعره على جنب.جنه نفر محترم. أفا غيروك يا صديقي الذي لا اعلم كيف خشته ولا اسمه J  

حسيت روحي تنتزع مني فجاه و المكان صار دوامه .. المنطق واقف يطالعني و يبتسم و اهو يبعد مع الحلم .. قعد اموت؟ اطراف النظر قام يكسوها سواد و اهوي للقاع انا اكيد قاعد اموت! صار التنفس صعب و اقسم اني اسمع صوت ضربات قلبي تزداد.. فتحت عيوني مرعوب .. هديل كانت تصحيني !!!! 
لفيت يمين و يسار و انا الهث و جسمي يرجف حسبالي قعد اموت 

هديل تطالعني بقلق و خايفه: الحمد لله انك بخير دوتس خفت عليك حرارتك نزلت فجاه و الضغط هبط جيت اصحيك ما رضيت تصحى!! خفت عليك بشرتك قلبت زرقا قمت اوسوس جان اهزك بقوه اكبر الحمد لله ان ربي ردك لي -حضنتني بقوه- دوتس لا تتركني 

انا للحين مفهي شالسالفه!! شجاب هديل!؟ الساعه كم؟! ليه احس اني مجهد كاني منحاش من اسد !! 
جيت بحط ايدي على ظهرها جان تبعدني عنها .. مسكت خدودي: انت غبي تبي تنتحر !!! اشفيك ما تفهم الكلام العربي!! نكلمك اي لغه و تفهم !! من امس العصر مو ماكل شي !! 
لفيت عالساعه.. وسعت عيوني .. اح متى صارت الساعه 11 الظهر!!! 
افلتت ايدينها و جابت الصينيه الي فيها الاكل عالطاوله الي يم السرير، عدلت المخدات الي وراي و مسكت اكتافي و سندتني عالمخاد.. انتبهت لعيونها كلها دموت و حمر 
مسكت شعري ز ابتسمت بحنان: لا تقصه طولان صاير يجنن -دخلت اصابعها بشعري- ناعم مثل ما اذكره من عشر سنين -صوتها كان فيه غصه- 

وخرت ايدها من شعري  و بستها لا ارادي: هدولتي لا تخليني بروحي 
سحبت ايدها مني و ارتبكت: مينون انت شتسوي!! 
خدودها حمرت♡\\\\♡  سوو كيووت ♡n♡ 
اكلت سندويتش مسويتها لي هالجميل الي يمي.. و عصيره برتقال و يمهم حبوب حديد و فيتامينات. 
بديت اكل و اهي قامت تعدل شكلها بالمنظره بتمشي، جت عندي و حطت ايدها على خدي و قرصتني: هذه لانك خوفتنا عليك و من امس نايم ما صحيت الا تو.

وخرت بتروح فمسكت ايدها لا ارادي: لا تخليني لحالي -رفعت راسي اطالع بعيونها الخضر- 
قربت مني و حطت ايدها على راسي: حرارتك قام ترتفع و وجهك يقلب احمر.. ارتاح اشوي 
شديت قبضه ايدي على ايدها و بصوت مخنوق: هديل لا تتركيني -صعب الكلام مع المرض- 
تنهدت و رفعت اكتافها: قمت تهذي من الصخونه .. وين اتركك بالله مو انا هني يمك -كانت تتكلم و اهي تحط الفوطه بالماي و تعصرها- 
صوتها كان واطي جنها تكلم نفسها: ماراح اهدك لحالك.. قلبي ما يخليني اهدك و انت بهالحال.. ليه مناعتك فجأه صارت ضعيفه جدا

 -اسندت ظهري للمخاد و حطت الفوطه المبلله بماي على جبهتي-  

حبي غمض عيونك خل يحوشها الماي و برودته 

غمضت عيوني و حسيت فبرود الفوطه ينتقل لعيوني الي كانو يحترقون من الحراره.. ما حسيت فيهم حارين الا لمن لمست الفوطه راسي 
مرت كم دقيقه صمت.. كنت اسمع صوت جهاز هديل و اهي عالنت.. هذا لحاله يطمني انها قريبه يمي 
صوت سحاب الجنطه ينفتح جنها دخلت التلفون. شالت الفوطه من راسي و حطتها بالماي مره ثانيه، لمن كانت تحطها بالماي مبين انها متضايقه.. اخذت نفس عميق و حطت الفوطه على جبهتي، قمت اطالعها و بديت احاتي اشفيها: هدولتي شفيج؟ 

طالعت بعيوني مستغربه السؤال: لا ولا شي ما تاخودشي فبالك -ابتسمت بتكلف- 

لمن تتضايقين يبين بعيونج.. شنو مضايقج؟ 

ولا شي مهم لا تحاتي سوالف بنات سخيفه  ^^ انا لازم امشي الحين اهتم بنفسك خالتي -امي- قالت انها بترد للبيت عالساعه 1 ونص و الحين الساعه 12 ونص.. لا تسوي شي غبي لمن محد يمك. انا بزورك باجر اذا حصلت وقت و اذا انشغلت بشي راح اكلمك تلفون. اخذ قيلوله على ما ترد خالتي، راح اطفي الليت

 
طفت الليت و غطت الدريشه المفتوحه بالستاره و الهوا يحركها، غطتني بالبطانيه عقب قاست حرارتي: الحمد لله قعد تتحسن حرارتك 37.7 و امس امك تقول واصل 40 
قامت  بتطلع و لفيت لجهة الدريشه: نسيت اعطيك هذا جبته لك عشان تتحسن اسرع، جيس حلاويات يابانيه اكلهم لمن تتحسن 
لفيت عالجيس شالته من جدامي: نام الحين انا قلت لمن تتحسن. 
لفيت نفسي لجهه الدريشه مره ثانيه و طلعت هديل من الباب الي صار مقابل ظهري. 



عدت الايام الثلاث ببطئ و هدوء حمني يتطمن علي بالتلفون خايف يجي و يلقط فيروس و هديل ما اتصلت من هذاك اليوم ولا حتى مسج! الحراره قامت تخف و بديت اتحسن الحمد لله. بعد اليوم الرابع حمني زارني لمن قلت له اني تحسنت. 

يو ديمون .. شلونك -نط من الدريشه- 
كنت قاعد اشخبط.. بسم الله ذا ما يبطل عادته الخايسه xD 
حمني الباب من هالصوب :) 

ادري ما احب ادخل من الباب الدريشه اسهل و اسرع، شلون صرت -حط جبهته على جبهتي- لا ماشاء الله راحت الحراره. 

ابي اطلع من الغرفه لاعت جبدي محبوس امي مو راضيه اطلع T^T 

ختشوف ان حرارتك نزلت و انك بصحه زينه و بتطلع :) 

قعدنا ساعتين نحش و نسولف و نضحك فحطنا ضحك لين ما الاخ حمني ذكرني بعرس عبدالله الي قرب. شكله مافي مخرج ولازم نروح بحكم الصداقه القديمه الطويله .. يالله عالاقل نشوفه عقب كل هالسنين صج فاقدينه. 

العصر اخذت مواقفه ابوي عالخروج و متى ما انتكست حالتي ارد البيت، ياخي كلها صخونه ليش مهولين السالفه =_= .. مرني حمني و رحنا بسيارته نلف بمعالم بلادي الحبيب:) تبا اشتقت للخارج T.T  تشرينا خلاجين و خرابيط و ادوات رسم و اغراض سوني و اشرطه و خرابيط انمي و لمن اذن الغرب و صلينا ختمنا رحلتنا للكافيه الي يم حارتنا. 

فلبينو: قود مورننق مدام سير.. اووووه ميستر دوتس قود ايفننق ميستر لونق طايم نو صي يوو ميستر 

اهلن فلبينو يس مي واز سو نو قود هيلث - لازم تكلمهم مكسر عشان يفهمون هالفلبينو- 

ميستر همني انتا يبي قوبي سيم سيم افري داي؟ 

اي فلبؤنو مع كيك براونيز بطني خاست من الجاي ليبتون

 
آند يو مدام سير دوتس؟ يور ريقيولر اوردر ؟ موقا قاقاو ويذ اقسطرا قاراميل اقسطرا قوبي وذ شوقليط قيق ان قاراميل صوص ويذ قلوب ساندويس 

يس مدام ثنكيو :) ماشاء الله حافظه 

ضحكت فلبينو: يس سير هازا سيم سيم اوردر من قمسا .. سيتا سانا لازم في ريممبر 

قعدنا في زاويتنا المفضله و طلعت السكتش و قمت اشخبط 
حمني يحوس بمشروبه بضجرجان ايقول: دوتس زهقه اشرايك نجرب شي جديد. 

رفعت راسي اطالعه لاني ميت من الزهقه.

 ضحك بخشتي ضحكه ما تطمن: اشرايك نجرب  . . . لبس البنات 

صفنت احاول استوعب الي يقوله!! ها!! 

دونس شوف احنا جميلين ماشاء الله علينا و وسماء فشرايك نجرب لبس البنات علينا 

جرب لحالك احب اشوفك تجرب  J

يوو يالجني يالله بس مره وحده تلبس فستان و شباصه و انا همن مثلك .. امم شنسمي انفسنا :) 

حمني ارحل لا انحرك و اقيم عليك الحد  J

- طق ايدينه فبعض -  لقيتها .. انت اسمك دتسو و بنلبسك فستان دانتيل اسود و لان شعرك طولان بنصبغ اطرافه وردي 

اهو يحجي و انا عندي رغبه ملحه بان اكب على خشته الموكا و اتوطا في بطنه فظليت اضحك بخشته و بقلبي قاعد اتوعد فيه. 
دوتس اشفيك صافن.. قاعد تسبني براسك صح؟ ادري امبين من رد فعلك بس ياخي فكر فيها بنستانس و نجرب شي جديد ..  –غير نبره صوته- امبي ونااساا واايد دتسوو وااي بتكونين كيووت مع شباسا وردياا و نفنوف اسود وااي مو سج 

و انا بلبسك اندرويرز بناتي و باروكه شقرا طوييله و كحله و اشوف شلون بتقول واو وناساا .. منحرف اتشي باكا =_= 

اوك موافق :) 

اطالعه بنص عين: شكله الطفش بلغ منك عتيا =_=" 

و انا اطالع فخشته ولا تجيني فكره سيئه بس رسمتها تبا لمخي xD 
حمني شوف ذا انت و انت لابس فستان بنات xD 

اووخص علي اثاريني مز حتى و انا لابس لبس بنات :) 

انت مب صاحي :)

شكرا عزيزي ادري xD 

ظاع الوقت عالموضوع السخيف ذا و ردينا البيت بس و احنا بالطريج حمني غثني يبيني انام عندهم: ياخي افهم ما اقدر ابيت برا البيت ابوي بيذبحني خل يتطمن ان صحتي بخير بعدين يصير خير 
اذا بننطر صحتك عمرك ماراح تطلع برا الغرفه =_=" 
طيب انا مابي ابيت عندكم اليوم :) 
خايف من سالفه الكروس دريس xD 
شكو -.-" 
اجل كلم ابوك و قل له انك بتبيت عندي :) 
تبا لك.. -اتصلت فابوي- الو يبا شلونك ابي العزيز  J  شسمه.. ابوي .. اليوم ببيت عند حمني 
انا ماسكك يولدي !؟ الله معاك بس لا تزعجهم 

حمني قام يرقص من الحماس =_=" 
هااا و تقول ما بيرضى لا تحط اعذار xD 

رحنا لبيت حمني و استقبلني اخوه الصغير الملقب بي روبن.. نط علي و حضني: حمزاااااا هيييي هييي حمزا حمزاا جاااا يما حمزه عندنا 
نزل عني و مسك ايديني يجرني لغرفته: انت من زمان ما جيتنا ليش؟ ما صرت تحبنا؟ حمزه انا احبك انت احسن من اخوي الخبل عبدالرحمن صير انت اخوي بداله يماا حمزه بيصير اخوي شوف عشان اوافق انك اخوي لازم تلبس نفس بجامتي.. -يركض لغرفته- لاااا لحظه لا تدخل خل ارتبها 

وش فيه البزر ذا حمني مصغر و بس يناقز  xD يحليلك يا بندر خوش طفل يا ترا بتكبر و تصيل خبل مثل اخوك xD 
حمني يصارخ على بندر: يا استاذ روبن هود لا تزعج دوتس ولا ماراح يزورنا مره ثانيه 

ضرخ بندر داخل غرفته: ااااا لا لا ما يروح انا مو مزعج..

 - صوت شي يطيح و ركض- 
حمزه لا تروح انا اسف

-فتح الباب و بايده بجامه تماثل الي لابسها بس حجم رجالي-

هاك طلعتها حقك عشان تصير اخوي x3 

ربتت على راسه: انا اخوك بدون بجامه 
طاعني بنظرات حزن بعيونه الزرق الكبيره: انت ما تبي تكون اخوي خلاص ما صرت تحبني و تلعب معاي مثل قبل و ترسم لي و تقص لي قصص :'( 

تبا يقطر كواته xD  ابي عيالي مثل خشته البريئه *^* 
اخذت البجامه عشان ما اكسر بخاطره و رحت لغرفه حمني، كان لابس بجامعه و مطلع افلام و نفيش 

ها دبسك فبجامه الاخ الاكبر بندر الخبل xD 

اي يحليله غصب صير اخوي

 
اهو يشوفك مثله الاعلى مادري شلاقي بخشتك.. يمكن لان كنت تعطيه وجه و كلنا ساحبين عليه. 

اعطيه وجه على قولتك لانه خوش طفل و محد منتبه له.. ها شنو بنشوف اي فلم 

انت ضيفي انت اختار 



خلصنا الفلم كانت الساعه 11 الا ربع.. تمغطت و لفيت على حمني كان يدخل السي دي مكانه

 ها شبنسوي الحين تو الناس عالنوم. 

لف علي و كشر تكشيره ما تطمن: متئلئشي يخويه دنه مخطط حق سهرتنا النهرده حاقه محصلتش 

طالعته بابتسامه مفهيه: وراك شي مب زين :) 

طلع صندوق من الكبت طلع من داخله لبس كوسبلاي: اوك اذا جذي مافي مشكله ام ويذ يو ابي اسوي كوسبلاي زيرو فمباير نايت x3 

لا عزيزي عندي مفاجاه انطر غمض عيونك ولا تفتح شخصيه بتستانس عليها 
ظليت اطالعه بوجه كله شك J 

ثق بذوقي يا فتى T.T 

غمضت عيوني و استسلمت لحنته: دوتس ارفع ايدينك فوق 
و انا عيوني مغمضه:ليه!!! 
عشان افصخك الفالينه و البسك بلوزه الشخصيه ابيها مفاجاه 
رفت ايدي و ظليت بفالينتي الداخليه.. الجو بارد شعر جسمي وقف: يوو حمني وينك بسرعه برد 
كاهي الفلينه انطر.. يالله ارفع ايدك 
لبست الفلينه و عدلتها حسيت في شي غلط بس شكله لان عيوني مغمضه لازم اثق بذوق حمني J

لحظه دوتس خن البس انا الحين عشان اعطيك البنطرون و تلبسه 

البسه و عيوني مغمضه!!؟ 

اي عشان المفاجاه ما تخرب، الشخصيه بنطرونه شورت 

يوو يا الاثول شورت و التكيف بارد!! ولا من زين كراعيني بالانمي يرسمون الرجال برجلين بنيه  لا يرحم امك لا تفشلني .. بعدين منو هذا شسمه من اي انمي!؟ 

بتعرف لمن تشوف، هاك الشورت و هذه الباروكه 

ياخي شورت قصير و الفلينه كم نص كم و صغيره شملبسني انت!! 

قبل ما افتح عيونك خن البسك اخر قطعه سماعات الاذن 

سماعات اذن!! اكيد شخصيه فوكالويديه  J

بينقووو 

شلبستني!؟ الولد الصغير لين!!؟ وناسه احب لين

 -فتحت عيوني- 
Holly shitttt @______@ 

طالعت له @_____@ 

Holly freakin glob!!!!!!! 

كان اهو لابس لبس ميكو هاتسوني و حاط باروكتها و انا لابس لبس التوأم.. بس مو لين.. لبس البنيه رين !!!!الدم قام يغلي بعروقي انا الحمار الي خليتك تختار لي كوسبلاي

حمنيييووووووووه التبن والله ما اهدك 

مسكته و طحت فيه طق يهودي  بردت شبدي و اهو مستسلم يقول عادي اهم شي سوا الي في راسه :) 

الله يلعن العدو سحكت رجولتي يا تبن!!! 

وقف يمي و طالعنا بالمنظره: امانه مو اشكالنا كاواااييي شووف شوف -اخذ صوره سيلفي-

 انا منصدم و بالصوره شكلي تحيف !!! يال المصخره 

امسحها لا امسحك من الوجود -فصخت باروكه رين و حذفتها عليه-

 انت مخك فيه شي 

دوتس طالع شكلك حتى و بشعرك الصجي شكلك حلو xD 

وقفت اناظر خشتي.. الف يمين و يسار.. واو والله اني جميل  J  تبا شقعد اقول الغباء الي بحمني انتقل لي >< 

فصخت الفلينه و حذفتها عليه: بخمد بفلينتي الداخليه تبا لك ماني لابس من بجايمك يالهينتاي. 

يوو دوتس سويتها سالفه.. اقصد سويتيها سالفه يا دتسو xD 

صفقته بنعال و لبست بنطروني و علقت ملابسي جان تواتيني فكره لعينه xD 
لفيت على حمني و أنا مكشر بمكر: تبيني اسامحك ؟ 

مو هامني J

تبا لك مو استفرد فيك و اتوطى فبطنك هني و كل حق معاي 

خلاص اوكي ابيك تسامحني شنو تبي اسوي J

قمت اضحك بلعانه: بنتقم منك هيهيهي .. البس عناقيز ميكو بالاول و عطني ايدينك احط لك صبغ

 -طلعت من جنطتي الوان الكوبك لون كحلي عشان يبين عالاظفر- 

@_@" طيب و غير الصبغ 

اسكت و سو الي اقوله لمن اقوله :) 

صبغت اظافيره و لبسته قلاده من قلايدي مع اساور، لان لبسه بناتي القلاده بينت جنها حق بنات و هذه احدى فوائد اكسسوارات unisex 

يالله الحين اقعد على رجولك عالسرير و ارفع ايدينك فوق راسك و قول نياان نياان جنك قطوه -ضحكه شامته- 

شفت وجهه انصفق xD  احسن تستاهل انت الذي جنيت على نفسك يا ايتشي xD 

دوتس تقول عني هينتاي بالله الحين منو فينا المنحرف =_= 

انت الي بديت و هذا انتقامي -كشرت بوجهه- لا و بصورك بعد نياهاهاها كح كح تبا لك غصيت بضحكتي 

جنه قبل التحدي هالاثول و رفع ايدينه و قال: نيان نيان 

ويييع ابي ارجع حمني ما هذا القرف xD 

شب انا رجال و تمصخرني كذا و حطيت لي صبغ و هالقعده الغبين و الحركه السخيفه مالت نيان نيان و تبي ما تلوع جبدك !! اصلا اذا ما لاعت جبدك بشك فيك =_=" 

اي صح معاك حق xD  خلاص ويع سديت نفسي البس عدل خل نخمد الانتقام مرهق بنام 

نمت عالارض و اهو عالسرير .. تبا من زمان ما نمت عالارض ظهري يعورني النومه مو مريحه =_=" ماراح ابيت عند احد مره ثانيه. 



صباح اليوم التالي كان خامس يوم لي من صخنت و شفت هديل ولا اتصلت فيني ولا زارتني،

وصلني حمني البيت و انا نازل فتح الدريشه و ناداني و اهو مكشر بابتسامه: دوتس تحبني!؟ 

لفيت عليه باشمئزاز: نعم اخوي !!! 

اشفيك كشرت الله يلوع جبدك اقصد انا مثل اخوك و تهتم لي و هشكل ليه مخك مولي =_= 

اي قول جذي شدراني شتقصد خو :) اي احبك انت خوش صديق شتبي!؟ 

امسح الصور و فيديوات امس :) 

ملكش امل .. خن ارضى عنك عقب بمسح 

رجولتي تؤلمني يا دوتس :) !! 

محد قال لك البس لبس ميكو يالاثول xD 

شسوي احبها ياخي حدها كيوت 

طيب شكو تحبها تلبس زيها!!؟ xD 

يطالع بتوسل و عيون دامعه *^* 

خلاص خلاص بحذفهم شبي فيهم اصلا الوع جبد نفسي مثلا!! شكرا عالتوصيله و عط هذه حق بندر روبنهود xD 

يوو بينجن عالرسمه بيعلقها بغرفته xD 

يالله سلام اشوفك قريب ان شاء الله.

في هذا اليوم السعيد, جلست ويا امي و ابوي و استمتعنا بوقتنا في متابعه الافلام الهنديه و المسلسلات الاجنبيه و اشتطينا مع اخبار السياسه. قمنا نسترجع ذكريات قديمه جميله مضحكه و ضحكنا و تونسنا و دعيت من صميم قلبي انه الجو الدافي ما يكون يوم في السنه لاني بجد احتاج امي و ابوي يمي مثل هاليوم.

لمن جا الليل و جيت بخمد دز لي حمني مسج:

" باجر أنا عازمك عالغدا فاستمتع بنومتك الصباحيه مارا حاجي من الساعه سبع. "

" حسنا يا عزيزي راح انطرك "

" مسحت الصور و الفيديوات ؟ "

" للأسف اي  XD  "

" شكرا على عدم سحك رجولتي فقد كانت عالمحك "

"محد قال لك البس لبس ميكو =_= "

" خلاص تعلمت درسي.. تصبح على خير يا جني "

حطيت راسي و تلحفت بلحافي الدافيي و المكان بارد, جان اتذكر لمن هديل كانت اهني و ابتسمت لا ارادي من حلاوه الذكرى.. ليه ما اتصلت فيني ولا تواصلت وياي هالايام الي طافت و تدري اني كنت تعبان؟

نمت و انا ودي اشوف حلم من هاااك النوعيه الحلوه مع المنطق و العقل تبععي بس للاسف حلم عادي =_=

لمن صحيت ثاني يوم كانت الساعه تسع, نزلت للمطبخ اسوي لي توست و مرتدلا مع عصير كانت لجمي ترتب المطبخ: صباه كير وليدي شلون يسير الهين؟

الحمد لله ماما لجمي واجد جين

اخذت الاكل و قعدت فالصاله اتريق و ارسم و شابك السماعات باذني على اغنيه "مر الزمن" مالت سبيستون, دخلت امي تدورني: وينك صار لي ساعه احوس ادورك

لفيت اطالعها: شنو ما سويت شي @_@

السكتش معاك؟ عطني اياه شوي

ليش @_@

جيبه بس – جك جك جك صوت تصوير بالتلفون- هاك خلاص.

يمه مالذي يجري

دخلتك مسابقه و الجائزه تذاكر لليابان, موهبتك مدفونه خل نستفيد منك

كملت الرسم ولا تتصل هديل, تو الناس يالحب توج تذكريني L قلبي حزين بسبب سحبتوكي يا هدولتي L كح.. خن ارد ابرك لي من تكليم نفسي براسي XD

الو

الو ><

صباح الخير دوتسي

صباح النور هدولتي – صوتها متغير –

شلون صرت الحين؟

الحمد لله أحسن شوي

خفت الحراره ؟

يعني شوي بس للحين مرتفعه – مادري ليه كذبت –

يعني اليوم ما بتقدر تطلع؟

ما اظن اني بقدر اطلع تعبان يقلبي اذا بنفسج مكان خليها عقب كم يوم – ليه قاعد اكذب!! –

يعني اليوم كلش ما بتقدر تجي معاي ؟

-اشفيها مصره عالطلعه؟- يريت اقدر يقلبي بس مافيني حيل –و بعد بطلع مع حمني-

اوك حبي براحتك, انتبه لنفسك و لا تنسى تاكل. تحسن بسرعه ودي نطلع سوا

اوك قلبي لا تحاتين, اشوفج قريب ان شاء الله.

كملت رسم و انا افكر ليش هديل ما اتصلت فيني بالاسبوع الي فات كله و الحين مصره تعرف اذا بطلع او لا! لو صوتها و نفسيتها مثل كل مره جان قلت مشتاقه لي بس صوتها اليوم فيه شي, في سالفه مخبيتها عني ><  اكيد السالفه متعلقه بولد خالتها .. امها شقررت؟ اهي شنو يجول فبالها؟ ابتختاره علي؟ ولا بتختارني عليه؟ ليه صوتها كان متغير من شوي؟ التفكير عكر مزاجي قمت اشخبط بحرقه عالورق و عفستها و رميتها.

قمت اظبط ملابسي حق طلعتي مع حمني, بنطرون الجينز الرمادي و البلوزه النص كم السوده و ربطه الرقبه السوده مع قفازي الرمادي الي مقصوص عند صوب الاصابع, حطيت صبغ اسود و شوز رياضي اسود و طلعت الباستيل و ظبطت الخصلهو لبست حلق الاذن .. يوووش شكلي مزبووط كده جاهز للفراره و القز XD  تبا كم انا جميل و وسيم .. أجل جدا .. شكرا عزيزي على امتداحك نفسي XD  تبا لك يا منطق صرت تكلمني براسي وايد ارحل .. افا الا تريدني يا أنا .. صفت جان استوعب اني قاعد اتخانق مع نفسي براسي وربي اني مختل XD

اتصل حمني: ها وين واصل؟

الو.. كاني بلف صوب بيتكم دقيقتين ثلاثه و اطلع لي

قاعد البس حذائي الحين بطلع

يالله الطريج طويل

اي كاني طالع

نزلت الدرج بسرعه: يماااااا طالع ويا حمني لا تحسبوني بالغدا

ردت علي من المطبخ: استانس بوقتك ولا تسوي مصايب مع الناس

فتحت الباب بطلع: حاضر يا نبع الحنان, الى اللقاء 

كان حمني مسند ايده اليسار عالدريشه و ايده اليمين عالسكان  و ناطر بتضجر: يالله ياخي بسرعه

فتحت الباب الخلفي و قطيت جنطه السكتش عشان اذا بنمر الكافيه بنهايه اليوم الحافل. جلست بالمقعد الامامي: ها وين بنروح

مادري XD

لاجني من امس تبي تطلع و ما تدري اي مطعم تبي =_=

اختار انت عزيزي

امممم بافلو الافنيو؟

لا غيره

طيب كنتاكي بالافنيو J

مالت عليك كنتاكي =_= اطق درب عشان كنتاكي !!

شوف اي مطعم عادي ما يهم اهم شي بالافنيو لان ابي افتر بالمحلات و استمتع بالمكان كبير و يفتح النفس و ينفع للقز XD

افا يا دوتس خربت هاا J

شب انا نفر كويس J

اوك يا نفر كويس اختار اي مطعم تبي بس مو بالافنيو

ليه مو الافنيو J

كيفي مابيه =_=

عاد انا ابيه

ياخي مليون مجمع بالكويت حبكت الا هذا J خنروح ذي قيتز مول

مابي انا ابي الافنيو =_=

خلاص خلاص لا تحن

رحنا لطريق الافنيو و حمني متذمر من الاختيار شكله زهق منه =_=": حمني خل نفتر شويه لين تصير الساعه 12 ونص و نختار مطعم عقب

ما يصير نتغدا الحين و نروح نفتر بمكان ثاني

اشفيك حمنيوو بسك تذمر =_=

شسوي ما احب هالمجمع زهقت منه ياخي

خلاص ما نفتر بس نبلع, خل نقعد بكافيه لين تصير 12 ونص الحين الساعه 11 وربع تو الناس عالغدا =_=

قام يفرك راسه بتوتر: شسمه الكافيين زايد بدمي مو زين اني اشرب قهوه لازم تقعد بكافيه؟

حمني شفيك اليوم =_=

ياخي ان شفت القهوه ماراح اقاوم و الدكتور مانعني منها تاثر سلب بالحديد في دمي =_="

اوكي J ماراح اخليك تطلب قهره اطلب لك عصير او سموثي او ميلك شيك

حلاص طيب, الي تبيه يالله

دخلنا احدى الكافيهات: حمني ما احب ستار بكس خنروح واحد ثاني

ياخي كله كافيه يجيب لك موكا و كيك =_=

بس موكتهم ماي و قهره مو لذيذه و غاليه عالفاضي

خلاص لا تحن بنروح الي تبيه

قمت امشي و ايديني بجيبي و ادندن باغنيه و حمني يمشي يمي: هذاك شوي معزوله قعداته

ليش ما دخلنا لكافيهات الي من القراند افنيو

مابيه احب اهني =.="

اوكي يالله اللي يريحك عزيزي      

دخلنا و طلبت لي موكا حجم صغير بدون كريما ولا كرامل مع كيكه اوريو, حمني طلب ماي عشان يتغدى عدل, قعدنا الطاوله الي مع الجزء الداخلي من المكان, و قمت استمتع بالرسم و الشرب. حمني كان يطقطق بتلفونه و يشرب الماي جنه جاي XD

و انا ارسم تخيلت اني سمعت صوتها, من زود الشوق قمت اسمع صوتها XD لوف سيك

حمني حط سماعاته و قام يطق رقبه و مندمج مع الاغنيه, حطيت السكتش عالكرسي و قمت متجه لدوره المياه J

و انا رايح لمحت شي بس قلت هلوسات مخي. شلت السكيتش و قعدت: حمني نروح للمطعم الحين؟

يالله مشينا

طاح قلمي من الطاوله و تدحرج لطاوله كانت ورانا و مغطيها الشتر, تبا فشله ادرعم عالاوادم و اخذ لوني الغبي =_= رحت ورا القلم السعيد و نزلت باخذه: آسف القلم طاح مني و تدحرج اعذروني "^^

وقفت حسيت روحي بتطلع من جسمي!! شنو الي اشوفه !! ابتسمت لهم و طلعت بعد ما اعتذرت, طلعت من الكافيه بسرعه مو مستوعب الي شفته!! قلبي يعورني ابي اروح اتاكد من الي شفته بس اخاف, لحقني حمني عند باب الكافيه قبل ما اطلع: دوتس اشفيك !! ة__ة"

لفيت عليه و الرويه بعيوني صعبه صارت ضبابيه من الدموع الي حابسها, ابتسمت بتكلف: لا ولا شي بس ابي اطلع و اشوف مطعم

بين التوتر على وجه حمني و لمن رد بيشوف انا شنو شفت, طلع الرجال و ابتسم لنا: اخوي ما اخذت قلمك هديته و طلعت فجأه.

شافه حمني و بين عليه  التوتر, قال للرجال: خله عندك ما يبيه

تلني من ايدي و طلعنا من المكان بكبره. و انا مليان غضب و غيض و قلبي يعتصر

دوتس الي شفته ترا مو مثل الي فهمته

لفيت عليه و قمت اطالعه بغضب و عصبيه!! شنو الي بيرقعه هذا الاثول! مادري اصرخ ولا اعصب ولا ابكي ولا  أكتم بقلبيي الكلام السيء الي بقوله, دخلت السياره, الحمد لله انها مضلله, اخذت راحتي بالصراخ و نزلت دمعه.

صرخت بغضب: biiiiiiiiiiiiiiiitch

فتحت باب السياره و دفرته برجلي: F**k ..  im off with a f**kin taxi

نزل وراي لحقني: لحظه لحظه دوتس –مسك كتفي-  

Leave me alone im not in the f**kin God dam mood now I don’t wanna se a freakin face I know get lost

ركبت التاكسي و رديت البيت, رفست باب البيت و رحت غرفتي قطيت نفسي عالسرير و حطيت وجهي عالمخده و قمت اصرخ: BITCH

لفيت للتلفون 15 مكالمه لم يرد عليها من حمني, حذفت التلفون عالطوف و انكسر و انا اصرخ: F**K OFF

الغضب امتزج بالالم و الحقد احس اني كنت غبي ابله مسبه كرهت نفسي  و دخلت في mood drop   و depression حاد, و من تعب البكي أبي أغط بالنوم, الجو قام يبرد , اطرافي و حواسي قامت تخدر,  الوجود بعيوني قام يبهت..

ظلام و خنقه رغم البرد و قلبي اعتلا صوت لغطه

. . .

 أنا أموت؟

.......................

اعتذر عالتاخير,

 طماطن عزيزتي شكرا على تحملج لي كا الفصل نزلته حتى قبل لا آكل كنتاكي 

قراءه ممتعه لـــ 40 صفحه بخط 14 XD

رايكم و اراؤكم تهمني .. مالذي سيحدث مستقبلا؟