فصل 4.5

قلت له خل نطلع نروح نتونس من بعد غيابي برا الديره و حن علي يبي الافنيو. انا ادري انه اختيار سيء بس شسوي ما اتحمل الحنه اقترحت عليه مجمعات العقيله اي مكان ثاني بعيد عن العارضيه لانهم هناك, ادري انهم هناك ادري بتصير مشكله اذا شك دوتس بشي ادري بيطيح بدوامه سوداويه هالمتشائم و يسكر اذونه و عقله و يصدق الي يشوفه. كانت خالتي مقرره انها تعطي هديل حق ولد اختها محمد من بعد ما شافته بالهند و كان حاز بخاطر خالتي برود اهل حمزه فقررت انها تجبر هديل على فصخ الخطبه و تزوجها الاماراتي ولد خالتها.

كنت مسند ايدي اليسار عالدريشه و ايدي اليمين عالسكان و ناطر  الاخ بو كشه يطلع لي : يالله ياخي بسرعه

فتح دوتس الباب الخلفي و قطي جنطته السكتش لان يحب يرسم بالكافيه.

سألني: ها وين بنروح

مادري XD

 من امس تبي تطلع و ما تدري اي مطعم تبي =_=

اختار انت عزيزي

امممم بافلو الافنيو؟

لا غيره

طيب كنتاكي بالافنيو J

مالت عليك كنتاكي =_= اطق درب عشان كنتاكي !!

شوف اي مطعم عادي ما يهم اهم شي بالافنيو لان ابي افتر بالمحلات و استمتع بالمكان كبير و يفتح النفس و ينفع للقز XD

افا يا دوتس خربت هاا J

شب انا نفر كويس J

اوك يا نفر كويس اختار اي مطعم تبي بس مو بالافنيو

ليه مو الافنيو J

كيفي مابيه =_=

عاد انا ابيه

ياخي مليون مجمع بالكويت حبكت الا هذا J خنروح ذي قيتز مول

مابي انا ابي الافنيو =_=

خلاص خلاص لا تحن

رحنا لطريق الافنيو و قاعد اتذمر من اختياره ياخي الا ها المكان!! يا رب ما نصادفهم بطريقنا

و أنا ادعي بقلبي يا رب ما نصادفهم مخي قعد ينسج تصورات حق الي بيصير اذا صادفناهم, سحبني دوتس من تفكيري: حمني خل نفتر شويه لين تصير الساعه 12 ونص و نختار مطعم عقب

ظليت اطالعه استوعب شيقول: ما يصير نتغدا الحين و نروح نفتر بمكان ثاني

اشفيك حمنيوو بسك تذمر =_=

شسوي ما احب هالمجمع زهقت منه ياخي

خلاص ما نفتر بس نبلع, خل نقعد بكافيه لين تصير 12 ونص الحين الساعه 11 وربع تو الناس عالغدا =_=

فركت راسي بتوتر ابي اي مكان بس مو كافيه: شسمه الكافيين زايد بدمي مو زين اني اشرب قهوه لازم تقعد بكافيه؟

حمني شفيك اليوم =_=

مافيني شي بس مابي نصادفهم بمكان و انتو اثنينكم تحبون الكافين بجنون فاكيد اهيا بعد قاعده بكافيه مع خالاتي و محمد ><

ياخي ان شفت القهوه ماراح اقاوم و الدكتور مانعني منها تاثر سلب بالحديد في دمي =_="

اوكي J ماراح اخليك تطلب قهره اطلب لك عصير او سموثي او ميلك شيك

حلاص طيب, الي تبيه يالله

بيجلطني هالرجال بموت قبل ميعادي انا اصغر من اني اموت الحين بسبب جلطه

دخلنا احدى الكافيهات: حمني ما احب ستار بكس خنروح واحد ثاني

ياخي كله كافيه يجيب لك موكا و كيك =_=  -ادري انكم ما تحبونه عشان جذي تليتك هني-

بس موكتهم ماي و قهره مو لذيذه و غاليه عالفاضي

خلاص لا تحن بنروح الي تبيه

قمت امشي يم دوتس و اهو يدندن الحياه ورديه بعيونه أطالع له من وراه و اقنع نفسي انه ما راح نصادفهم المكان شكبره و كله اوادم

دوتس شكله اختار المكان الي يبيه لان ظل يتمقل بالمكان: هذاك شوي معزوله قعداته

ليش ما دخلنا لكافيهات الي من القراند افنيو

مابيه احب اهني =.="

اوكي يالله اللي يريحك عزيزي               

هالمكان ما فيه وايد ناس ان شاء الله ما نصادف احد اهني.

دخلنا و طلب له موكا الاخ الجني الي يمي و قام يحلي بالاوريو, بينما زالت رغبتي بالاكل فطلبت بس ماي. قعدنا بالمنطقه الداخليه من الكافيه م والي برا جدام المحلات, فتحت التلفون و كلمت خالتي ام هديل عالواتس:  طلعو هي و خالتي ام محمد يتسوقون و هديل قاعده بكافيه ويا محمد و وياهم اكياس خالاتي الي شروها, ان شاف دوتس وربي ليفهم غلط يا ربي استر و خل هاليوم يعدي على خير L

خلص دوتس موكته و كيكته و خلا عفشه عندي و راح لدوره المياه على قولته و لمن رد تغير مزاجه و لاحظت التوتر عليه: حمني خل نطلع من هني خنروح المطعم الحين

وش فيك توك متحمس

لا ولا شي احس بخنقه هني و مخي قام يهلوس من قله النوم و الهدوء و كثره الكافيين

دوتس انت بخير!

مثل القرد بسم الله علي بس خنطلع يالله

يالله مشينا

من الربكه الي بدوتس و اهو يلم الاقلام طاح واحد و تدحرج للطاوله الي يمنا, كان يفصلها عننا الشتر يعني ذا قسم عوايل, راح ورا القلم السعيد و انا كنت اشيل قشي و اظبط لبسي و خشتي لمن شفته يمشي بغيض و عيونه الصفر اكاد اجزم انه قلب لونهم احمر و كانت مليانه غضب, من شفته تخرعت و قمت اقرى المعوذات لا يكون تلبسه جن @_@ الاخ دفع الحساب بشخطه بطاقه فيزا  و مشا يدوب لحقته مسكت ذراعه و عطيته جنطه السكتش حقته: وش فيك دوتس!!

لف علي و الرويه بعيونه اكيد كانت  صعبه من الدموع الي حابسها, قلبي انقبض من الخوف و  ابتسم هو بتكلف: لا ولا شي بس ابي اطلع و اشوف مطعم

رديت بشوف شالي خلا الادمي جذي لمن طلع محمد و اهو ماسك لون دوتس:اخوي ما اخذت قلمك هديته و طلعت فجأه.

لمن شفت محمد ولد خالتي حسيت احد معطيني كف: خله عندك ما يبيه

قلت لمحمد جذي و براسي قعد تطلع تصورات مو حلوه لحقت الخبل قبل ما يسوي شي غبي او ينتحر تليته من ايده و طلعنا من المكان بكبره و نزلنا للمصافط. مبين عليه الغضب و العصبيه و قاعد يتمتم بكلام مدري وش يقول بس الاكيد انه قاعد يسب, نزلت دموعه مسحهم, حاولت اهديه و قلت له: دوتس الي شفته ترا مو مثل الي فهمته

لف علي و قام يطالعني حسيته يبي يهجم علي و يذبحني بس كان بصراع بمشاعره ميدري اي عاطفه يظهر, دخلنا السياره وسكرها بعنف, قلت له: ترا مظلله و الصوت الي داخل ما يطلع لبرا

سكرت اذوني

صرخ بغضب: biiiiiiiiiiiiiiiitch

ما قدرت اتحمل الظيم الي يمر فيه حاولت اقول له الموقف بس ماكان يسمعني و طول الطريق و هو  يسب و يلعن نفسه و يقول كلام مو حلو مدري شسوي حسيت اني عاجز اطالع اعز اصحابي ينهار جدامي و ما بايدي شي, حط ايدينه على وجهه و اسندهم على رجلينه شعره طولان فراح مغطي وجهه و ايدينه, وقفنا عند اشاره, مديت ايدي و رديت شعره لورا من الغيض حتى اذونه و رقبته حمر, رفع راسه و اسند ظهره للكرسي, تبا شلون بقدر اعطيك عناق و احنا جذي. طق الدريشه بقبضه ايده و فتح باب السياره و دفره برجله: F**k ..  im off with a f**kin taxi

ابي انزل وراه بس وين احنا بنص الشارع: لحظه لحظه دوتس –مسكت ايده قبل لا ينزل-  وين بتروح و انت بهالحال خن اوصلك عالاقل

صرخ بوجهي بعد ما افلت ايدي بقوه و سكر الباب بعنف

Leave me alone im not in the f**kin God dam mood now I don’t wanna see a freakin face I know get lost monkey

مشا عالرصيف بعد ما اشاح بوجهه عني كأنه يضمني لمجموع الخونه الي لعبو عليه و مثلو جدامه الاهتمام. ما قدرت اسوي اي شي, دوتس ينهار جدامي و قاعد يضرب ايدي لمن امدها له انا عاجز اني اكون بصفه!! ابي اسوي له شي ابي اعطيه كف و اكفخه عشان يسمع لي و اقدر افهمه ابي اعصره من العناق لين يسكت و ياكل تبن و ما يفكر بتشاؤم ولا بتسرع و لا ينط لفرضيات غلط و يصدقها.

فتحت الاشاره ماني قادر اظل واقف و اهو ركب ويا تكسي, أغراضه بسيارتي ما اخذ وياه شي غير التلفون و البوك الي بجيبه.

اتصلت فيه اكثر من مره ولا يرد مره الهاتف مغلق و مره يرن و لا يرد.

مؤلم جدا انك تشوف شخص غالي يتألم و انت عاجز تسوي له شي.